Home General Comercio Aruba no por aumenta gastonan di personal

Comercio Aruba no por aumenta gastonan di personal

111
0
SHARE
- Advertisement -

Situacion internacional por afecta Aruba na 2020 

  • Perspectiva mundial economico ta keda di preocupacion 

ORANJESTAD(AAN)– E informacionnan cu tabata circula ayera y cu tabata mustra cu den sector comercial tambe sindicatonan kier drenta accion pa aumento di entrada di personal, a causa preocupacion serio den mundo comercial.

Na e momentonan aki no ta condicionnan economico y financiero local ta causa preocupacion y reserva den mundo comercial.

Paisnan grandi den nan proyeccionnan ta tene cuenta cu desaroyonan serio den cual entre otro tin e relacionnan comercial entre paisnan grandi.

Tin varios desaroyonan cu por afecta e mercado internacional y por conduci na insiguridad economico.

Uno di e factornan ta keda e forma cu e relacionnan comercial entre Merca y China a tranca. E hecho cu na Merca lo tin eleccion na fin di 2020 ta wordo teni na cuenta mas ainda den e situacion politico actual na Merca.

Economia di Aruba ta depende di hopi factor dor di e hecho cu Aruba ta importa mayoria di su productonan pa consumo local.
E prijs di transportacion no solamente ta depende di petroleo pero tambe di otro factornan cu ta importante pa companianan internacional.

Informantenan local a mustra DIARIO cu companianan local a haci nan maximo esfuerso pa tene tur hende na trabou na Aruba, cu a pasa den dos crisis grandi. E prome ta e medidanan cu mester tuma den e situacion financiero actual.

Na segundo luga e fracaso di Citgo a marca e situacion economico actual di Aruba, cu a wordo prepara pa un crecemento economico grandi, cu for di 2017 a tranca y a bira un caida economico.

Comercio local na e momentonan aki no por cu mas gasto di personal y a ilustra den nan gastonan pa haci negoshi con gastonan di personal ta afecta mundo comercial.

Ta spera cu sano huicio lo prevalece na entrada di e temporada turistico di cual hopi ta depende pa Aruba.

- Advertisement -

DUNA COMENTARIO

Please enter your comment!
Please enter your name here