Computer ta menasa siguridad mundial y nacional

    292
    0
    SHARE
    - Advertisement -

    Sabotahe na Hospital a hiba DIARIO na panico mundial actual

    *Ladronicia di informacion ta exigi profesionnan moderno

    *Proximo cinco aña cambio grandi cu inteligencia artificial  

    ORANJESTAD(AAN)– E peliger cu hende ta core for di momento cu e comunica riba computer, a bira visibel na Aruba den e problemanan cu a presenta na hospital.

    Na momento cu e acto criminal di sabotahe tabata tuma luga na hospital di Aruba, na Merca un investigacion a presenta informacionnan cu a mustra banda di aspectonan positivo, computer ta menasa paisnan y hende.

    E preocupacion mas grandi ta sigur, cu den transcurso di ultimo decada sigur,  Aruba a “digitalisa” y a adapta pa un gran parti sistemanan di computer. Esaki ta haci cu Aruba ta depende di computer cu exigencianan grandi riba termino sumamente cortico.

    Uno di e peligernan mas grandi ta, cu hopi hende no ta consciente di e forma cu otro por atraca computer y comete sabotahe. Tampoco tin suficiente informacion riba  sistemanan cientifico internacional cu ta horta informacion personal riba computer pa entrega esaki na companianan, instancianan y gobiernonan rond mundo.

    Sistemanan a wordo desaroya pa e conexionnan riba computer duna informacion riba loke hende ta busca, gusta y ta prefera. Informacionnan cu hende ta busca riba computer ta wordo bendi cu companianan, instancianan internacional y hasta politiconan cu asina por adapta nan producto y e forma cu nan ta presenta na publico.

    E informacionnan di e programa PBS/Frontline cu DIARIO lo sigui presenta debi na e importancia grandi den nos tempo moderno,  a pone mundo bati alarma for di November.

    Con ta bay trata na controla computer cu ta parce di a controla hende, lo bay trece cambio riba tereno di labor. Hopi hende lo perde trabou sigur den e ramo administrativo cu computer ta maneha completamente pa hasta tuma decision kico ta mas faborabel pa un compania pero tambe pa lidernan mundial loke ta influencia politica mundial.

    Di otro banda na un forma acelera, mas pronto posibel mundo mester aumenta e cantidad y calidad di profesionalnan riba e tereno di maneho di comunicacion di computer y eliminacion di e peligernan sigur riba tereno di siguridad.

    Mescos cu mente di hende ta capta informacion den su memoria, sistemanan avansa di computer ta warda informacion den memoria cu ta bay pa politiconan, pa cientificonan, pa companianan cu ta acumula informacion di hende.

    China a anuncia na mundo cu na 2025 e lo a surpasa e capacidad di Merca riba tereno di tecnologia computerisa. Na 2030 China lo a surpasa Merca y dirigi mundo, segun e programa.

    China na e momentonan aki ta dirigi comercio via internet y hasta ta entrega producto pa medio di drone.  Credit card a cuminsa perde su importancia pasobra por paga sin cahera.

    Aruba tambe mester prepara pa e sistemanan nobo cu lo trece mas di e problemanan manera hospital a conoce a base di atraco riba e sistema di computer di cuido medico na Aruba.

    “Artificial Intelligence” (inteligencia artificial) a bira menasa pa inteligencia di hende cu segun e advertencia a duna computer capacidad mas grandi cu e poder mental di hende cu asina lo conoce adelanto tecnico cu ta habri horizonte nobo pero ta bay crea podernan nobo y exigencianan pisa di conocemento di un generacion cu lo wordo afecta sigur dor di e desaroyonan.

    - Advertisement -

    DUNA COMENTARIO

    Please enter your comment!
    Please enter your name here