Home General Comunidad mester di coriente y gobierno mester di belasting

Comunidad mester di coriente y gobierno mester di belasting

51
0
SHARE
- Advertisement -

Na 2020 un formula nobo pa democracia y pueblo sobrevivi

*Splicacion di infrastructura cu ta atende necesidad di pueblo

*Gobierno encarga cu tur necesidad cu un hende so no por carga 

ORANJESTAD(AAN)– DIARIO a aplaudi e decision di Gabinete Wever-Croes pa motibo cu e gobierno dirigi pa mr. Evelyn Wever-Croes a duna prueba cu e ta na haltura di loke exigencianan di gobernacion democratico ta encera.

Awe nos ta presenta informacion importante pa pueblo por comprende con Gabinete Wever-Croes a yega na un formula pa nos sistema democratico wordo mantene den tempo di crisis.

Democracia ta exigi pa un hende ta feliz. Pa esaki ta posibel, e hende mester por traha, come, bebe, studia, comunica, por ehempel.

Un ciudadano, un miembro di comunidad segun democracia mester percura pa e cumpli cu su tarea pa e tin derecho. Esaki ta encera cu e mester percura pa su entrada, mester cushina su cuminda, mester cuida su salud por ehempel.

Tin tarea na cual un hende so no por cumpli. Un hende ta bebe remedi pa e haya su salud, pero e mester di un dokter, hospital, cuido medico cu ta trabou di gobierno.

Un hende mester cushina. E mester traha pa e tin placa pa e cuminda. Pero e mes no por produci gas, cu ta trabou di gobierno.

Un hende mester di luz ora solo baha. E ta pone electricidad pero e no por produci electricidad cu ta trabou di gobierno.

Gobierno pues ta encarga cu e infrastructura, cu ta encera tur e tarea cu cual un hende so no por cumpli.

Gobierno ta maneha e base di comunidad a base di entrada di belasting segun calculacionnan cu di antemano parlamento mester aproba, cu ta presupuesto di e pais.

Pueblo ta paga gobierno pa medio di belasting, cu tambe ta e sistema pa medio di cual pueblo ta duna placa pa gobierno paga pa tur loke ta infrastructura.

Cu e placa di pueblo, gobierno mester percura pa siguridad di hende y pais. Esaki ta encera cuerpo di polis, di bombero, di duana y marina por ehempel.

Gobierno mester percura pa haci inversionnan, pues gastonan responsabel pa un bon economia y sistema financiero cu ta base pa hende y pais por funciona.

Mester di awa, luz, telefon, internet, cuminda, transportacion, gasolin, servicio di limpiesa a base di ley y naturalmente caretera, edificionan.

Gobierno mester percura pa school y educacion pa e hende por participa y desaroya pa asumi su papel den comunidad.

Tur esaki hunto ta e base di necesidadnan di un pueblo, cu ta wordo yama infrastructura, totalidad di necesidad di pueblo.

Ta paga gobierno y e aparato gubernamental pa percura pa pueblo y ta paga parlamento pa controla tur loke gobierno ta haci.

Instancianan independiente ta kibra e dependencia di e sistema monetario (placa), ehecucion di husticia y control riba bon gobernacion for di gobierno.

Mal uzo di placa di pueblo y mal gobernacion durante 2009 y 2017 a haci cu awe Aruba tin un debe cu Aruba mester paga y pa cual gobierno ta responsabel.

Gobierno por a aumenta belasting sin mas pero e ora lo a aumenta costo di bida, cu tur su resultadonan cu tanto nos tabata teme.

Gobierno e ora a tuma un medida na fabor di pueblo y a baha e placa cu e ta cobra pa coriente pa medio di WEB pa asina, aunke pueblo paga belasting, di otro banda e tin menos gasto cu coriente cu ta basa pa funcionamento di nos pais.

Un comunidad no por sin coriente. Gobierno no por sin belasting pa baha gastonan cu debe a subi pa pueblo.

Mientras falta poco mas cu dos siman pa Aruba drenta 2020, Aruba lo tin un alivio pasobra su gasto na coriente a baha.

 

- Advertisement -

DUNA COMENTARIO

Please enter your comment!
Please enter your name here