Home General Contractonan cu gobierno ta e otro ruta pa trabou den gobierno

Contractonan cu gobierno ta e otro ruta pa trabou den gobierno

132
0
SHARE
- Advertisement -

Analisis

Politikeria disfrasa tin un rabo doloroso pa e pais

  • Mike kier crea discriminacion entre Emanzaak y Eenmanszaak 

Cu cierto regularidad, e asina yama contractonan cu gobierno, ta subi baricada na Aruba y ta duna ocasion pa gobierno anterior subi baricada.

Politikeria ta resalta na un forma bisto ora atrobe por mira contratistanan cu a nace durante e regimen di gobierno Eman, hunto cu Mike den protesta contra gobierno actual. E tema nunca ta varia y ta basa riba creacion di e pensamento cu gobierno actual, oponente politico di Mike, ta contra contratistanan chikito.

Pa cuminsa mester bisa cu ta hopi contratista chikito tin na Aruba. Ta hopi hende cu ta traha riba nan mes ta inscribi como negoshi na Camara di Comercio, caminda e inscripcion oficial di negoshinan ta tuma luga.

Tin hopi Arubiano cu ta presta servicio riba tur nivel y den tur ramo na tur cu mester di nan servicio pa medio di un asina yama “Eenmanszaak” (negoshi di un persona pa no wordo confundi cu Emanzaak).

E tipo di negoshi aki ta haci posibel pa un persona na forma diferente cu empleo directo, traha pa un of mas negoshi por ehempel sin cu e negoshi mester paga gastonan di personal of inscribi e persona como parti di su personal.

E persona cu tin un negoshi di un solo persona mes ta atende asunto di belasting cu gobierno y ta atende cu SVB si e tin hende den su servicio. E negoshi mester paga belasting y mester sigui tur regla.
Den e caso di contratistanan cu ta bira Emanzaak y ta pone Mike subi baricada, tambe mester cumpli mescos cu tur negoshi mester cumpli cu regla di Camara di Comercio.

Si Mike ta haya cu e contratistanan cu el a duna empleo den gobierno no mester tin mes trato cu otro Arubianonan cu tin un eenmanszaak na Aruba, e mester a tuma nan directamente den servicio di gobierno cu lo mester a inscribi nan como trahado di gobierno cu ta cay bou reglanan di trahado di gobierno y awor por cay bou di medida pa baha gasto di gobierno tambe.

Cu e asunto di contratista aki atrobe ta mira con politikeria tin resultado fastioso pa un pais.

Si sigui loke Mike ta papia, gobierno Wever-Croes mester discrimina contra tur Arubiano cu tin un eenmanszaak, cu ta e forma cu hopi negoshi chikito a cuminsa y tambe e forma cu hopi Arubiano tin nan entrada riba cual nan mester paga belasting.

Nan tin derecho di reclama e forma cu Mike kier trato preferencial pa e negoshinan cu a bira su forma di laga gobierno paga pa mas trahado y evita di habri un werkverschaffing, un sistema di fondo social pa duna hende trabou.

Politikeria ta haya un rabo peligroso pa Aruba, cu ta wordo manipula pa hende no mira berdad di accionnan y resultadonan pa pueblo, cu mester paga pa Emanzaak. Pasobra ta cu placa di pueblo ta paga e contratistanan cu a haya contracto pa medio di entre otro Bo Aruba, e pot di 1.6 Biyon cu mester a garantisa Mike y Benny bida largo na poder.

E momento a yega pa honestidad deshaci di politikeria cu awe tin Aruba den crisis y Mike riba baricada pa evita cu e mester confronta berdad den Parlamento. E wega cu contratista “chikito” ta un ehempel. 

- Advertisement -

DUNA COMENTARIO

Please enter your comment!
Please enter your name here