Home arte y espectaculo Cosecha ta organiza su ultimo workshop di aña

Cosecha ta organiza su ultimo workshop di aña

7
0
SHARE
- Advertisement -

ORANJESTAD  (AAN) – Pa por sera e aña creativo aki cu tabata yena cu workshops, Cosecha ta organisa e delaster workshop creativo cu un sesion pa siña pinta e flor di Pasco.

Durante e workshop cu lo tuma lugar diasabra 14 di december, e artista Lorraine Evans lo guia e workshop di pintamento. Lorraine ta un artista conoci cu ta domina diferente tecnica di pintamento y diferente material. Lorraine tambe ta conoci pa su pinturanan di flor y mata.

E flor di Pasco ta un mata bunita y hopi gusta den e temporada di fiesta. Pesey ta ofrece un workshop creativo pa pinta e flor aki. Lorraine lo sinja e participantenan tecnica di crea sombra y di crea forma. Lo uza potlood pa e workshop aki.

E workshop lo tuma lugar di 10.00 am – 12.00 pm. Edad pa por participa ta 12 aña bay.

E workshop ta tuma lugar den e Centro Creativo di Cosecha na San Nicolas, un espacio na unda bishitantenan ta rondona door di arte y pesey tambe medio di e espacio nan creatividad ta wordo inspira.

Inscripcion ta necesario y esaki ta tuma lugar na Cosecha San Nicolas of na Cosecha Oranjestad.

 

- Advertisement -

DUNA COMENTARIO

Please enter your comment!
Please enter your name here