Home General Crecemento di poblacion y e realidad di Aruba Dushi Tera 

Crecemento di poblacion y e realidad di Aruba Dushi Tera 

235
0
SHARE
- Advertisement -

Resumen

Con mester planea e famia Arubano feliz?

Pa hende por biba y ta feliz, e mester di cierto elementonan.

Ora ta papia di felicidad di e Arubiano na Aruba, ta papia di e grado di felicidad di un hende cu a nace na Aruba ta sinti na su propio pais.

Con e elementonan cu un ser humano mester pa por sinti su mes feliz, ta refleha nan mes cerca e Arubiano cu actualmente ta biba na Aruba?

Pa un hende ta feliz e mester por sinti su mes bon den su ambiente directo cu no mester ta yena cu problema. Ya cu un bida sin problema y un comunidad sin ningun problema no ta existi, e cantidad di problema mester ta reduci na loke un hende por soporta.

Pa un Arubiano por sinti su mes feliz, e mester lanta mainta y gradici Creador pa su bida y salud, pa su entrada pa e por come y atende su necesidadnan personal basico, pa e dak riba su cabes, pa e forma cu e por gosa di e ambiente di Aruba pa e por sinti su mes na su cas, pa e siguridad cu e tin cu su bida no ta continuamente na peliger, pa e comunidad cu ta crea e basico pa su felicidad y di tur hende cu ta parti di su bida.

Aruba ta un dushi tera. Solo ta briya mayoria parti di aña. Lama ta uni cu e aire fresco. E realidad natural di e pais, ta yena e Arubiano cu alegria di cual e kier gosa.

Algun momento e kier ta rondona di hende pa dal su betro, su koffie, gosa di su pan bati cu pisca fresco y di e musica y baile. Na otro momento e kier su bida personal, den un circulo intimo caminda e por relaha, descansa y sinti e plenitud di Aruba Dushi Tera.

Cada pais na mundo tin su propio caracter y custumber cu ta crea e sentido di felicidad di un ciudadano, cu ta sinti cu nada por pasa su persona den su cas.

Aruba ta un isla chikito. Esaki ta nifica, cu compara cu paisnan grandi cu ta conecta na otro, e espacio pa un hende biba trankil ta limita.

E realidad di Aruba Dushi Tera pues ta pa na e momentonan aki cuminsa preocupa con dushi Aruba ta pa e Arubiano.

E palabranan aki por zona duro, pero nan ta realidad. Felicidad di hende y di grupo mester ta parecido na e felicidad di un famia, cu mester ta planea mas ainda ora e pais a sufri cambio cu a haci cu no tin espacio mas pa sigui expande.

Un tempo un famia por tabata tin 12 yiu sin problema. Pero e tempo, cada yiu no tabata exigi auto, television den sala y den camber, wifi, telefon den tur man, por ehempel.

Awe demanda di tempo ta diferente y mescos cu ta planea famia, mester planea sociedad.

Ta masha bunita cu tin politico cu pa haya voto di stranhero, ta hunga cu bienestar di Aruba, cu mester proclama su limite pa asina evita cu no tin espacio mas den e cas di Aruba Dushi Tera ni pa e Arubiano mes.

E prome tarea di gobierno di Aruba ta, pa percura pa bienestar di e Arubiano cu no por bira victima di enfermedad contagioso manera AIDS, arma cu ta drenta e pais scondi, peliger pa bida.

Mester cuminsa papia atrobe di felicidad di e Arubiano, cu tin derecho di ta feliz na su pais cu mester brinda siguridad, trankilidad y e sabor di ta na cas.

Ta ora e Arubiano ta feliz e por haci tur hende feliz.

- Advertisement -

DUNA COMENTARIO

Please enter your comment!
Please enter your name here