Home General Cu e midi cu AVP ta midi otro, e mester midi su...

Cu e midi cu AVP ta midi otro, e mester midi su mes

269
0
SHARE
- Advertisement -

Analisis

Como un angel cu a baha for di cielo, na 2009 Mike a presenta su mes como candidato pa bira gobernante na Aruba. Por papia di un perfeccion publicitario, bon prepara pa logra exito personal.

Ora mira atras kico a pasa Aruba na man di gobierno Mike Eman, ta mira un periodo di campaña publicitario pa e persona di Mike na prome luga.

Mike tabata un maestro den eliminacion di tur loke tabata riba su caminda pa alcansa su proposito y e armanan cu el a uza mester a hiba su persona na exito.

Sin ningun preparacion el a baha entrada di e pais dor di baha BBO pa e haya reconocimento aunke e pais zink, manera a sosode.

El a bini cu un plan maestro di “Bo Aruba” den cual el a parti hasta placa cu Aruba no tabata tin. 1.6 Biyon a wordo poni na su disposicion pa e crea proyectonan cu awe ta zink riba nan mes y ta zink Aruba hunto cu nan. E placa no a bini di su saco y ni sikiera di caha di Aruba, cu tabata yena cu debe. E placa a bini di loke Aruba mester paga awe den un crisis total.

Cu santidad el a firma un acuerdo cu Nicolas Maduro pa un proyecto y Aruba a paga pa e gastonan grandi pa trece un proyecto fracasa.

Abuso a wordo cometi contra Aruba pero Mike y su grupo ta santo. Mike no a haci nada.

Tur loke ta den su caminda mester a disparce te ora pueblo a para den su caminda y AVP a perde cantidad di asiento durante eleccion.

Husticia a haci su mes cu e AVP di Mike, maestro den destruccion di menasa politico.

Na un forma of otro, Mike a descubri algo den bida di Rocco Tjon cu e mes a nombra den gobierno. Acusacionnan pisa a start sin piedad y sin tene cuenta cu loke tabata haci cu u criatura y tur miembro di un famia. Ora tuma nota di documentonan, e pregunta grandi ta nace, kico mester pasa cu e mucha y e famia.

Mike y su partido a haci y deshaci. Ministerio Publico a wordo lastra na suela pasobra a start otro investigacion contra miembro di AVP.

Mike a bini dilanti cu su midi, cu el a laga na cas ora na 2017 el a presenta Richard Visser como su candidato. Informacion cu autoridad na Hulanda tabata tras di señora di Richard Visser, a wordo bari for di mesa.

Awe berguensa ta cubri Aruba pa loke Aysel di Richard a haci pa awor wordo condena na prizon.

Un splicacion Mike no ta duna Aruba. Mike no tin tempo. Hunto cu su fiel grupo, e mester sigui tira lodo pa hende no mira lodo.

Atakenan pa por baha gobierno mester sigui. Baha gobierno ta na interes di Mike cu a keda for di Parlamento pa e por biba riba baricada.

Loke ta pasa na Aruba no tin nomber. Interes nacional mester keda pa semper interes di Mike etc. y su dobel midi.

Mike por gasta tur placa, hasta loke no tin.  Gobierno nobo no por saca placa. Siguidonan di Mike por destrui imagen di Aruba. Enemigonan di Mike ta wordo destrui.

Pero tin un berdad cu lo prevalece. Cu e midi cu bo uza, lo bo wordo midi tardi of tempran!

- Advertisement -

DUNA COMENTARIO

Please enter your comment!
Please enter your name here