Home Gobierno Dangui Oduber a firma e proceso pa legalisa uzo di cannabis medicinal

Dangui Oduber a firma e proceso pa legalisa uzo di cannabis medicinal

216
0
SHARE
- Advertisement -

 

Entrante 2020 tur producto di cannabis medicinal lo ta accesibel pa comunidad

ORANJESTAD (AAN):   Minister Dangui Oduber a informa diabierna tempran, cu e proceso pa legalisa cannabis medicinal ta canando for di hopi tempo.

Conforme e acuerdo di gobernacion di partidonan MEP-POR-RED a acorda cu durante e periodo di gobernacion aki lo legalisa e uzo di cannabis medicinal.
Minister presidente  Wever Croes a institui un comision pa explora e posibilidadnan y tambe for di algun tempo caba minister Dangui Oduber ta trahando riba esaki.
Despues di un periodo di haci tur e preparacionan necesario e momento a yega cu por cuminsa e proceso oficial pa e legalisacion di e uzo di cannabis medicinal.
Diabierna minister Dangui Oduber a firma pa e proceso cuminsa pa entrante 2020 tur e productonan cannabis medicinal ta accesibel pa comunidad.
Oduber ta considera esaki otro logro di gobierno considerando e hecho cu nunca antes a haci esaki. Un gran cantidad di persona ta haci uzo di cannabis medicinal pa nan salud y ta importante cu awor ta legalisa esaki.

Minister Oduber a haci peticion na departamento huridico pa traha riba e decreto ministerial pa di e forma aki e importacion di e productonan di cannabis medicinal wordo legalisa.
Ta enfatisa cu ta trata solamente di legalisacion di uzo medicinal y no recreacional.

- Advertisement -

DUNA COMENTARIO

Please enter your comment!
Please enter your name here