Home Salud “Desde e inicio di e proyecto di expansion y renobacion nos pesadiya...

“Desde e inicio di e proyecto di expansion y renobacion nos pesadiya a cuminza”

355
0
SHARE
- Advertisement -

Sindicato ABV nada contento cu e rumbo cu Hospital ta bayendo

ORANJESTAD (AAN):  Gina Maduro di Sindicato ABV di Dr. Horacio Oduber Hospital a bisa den entrevista cu DIARIO cu e problema di Hospital ta multiple. “No ta problemanan cu nos conoce aworaki”, a remarca.

“Desde e inicio di e proyecto di expansion y renobacion nos pesadiya a cuminza como trahador. Cu otro palabra, mihor nos a keda cu nos hospital bieu”, Maduro a bisa.

Hospital tabata bieu, “pero no tabata tin ningun mankement locual cu nos ta pasa aworaki”, a agrega.

Segun Maduro, a scoge pa expansion y renobacion y tin un raport unda ta minimaliza e efectonan di e construccion. Aunke a scoge pa expande y renoba y tog Hospital ta sigui opera. Ora cu a tuma decision di expande y renoba no a para keto ariba esey. Pero ora e prome fase a cuminza tabata tin problema di stof y sonido.

Den cada fase e problemanan ta aumenta, mescos cu e debenan pasobra tur ora tabata laat cu consecuencia di 90 mil dollar pa siman cu pais Aruba ta bay paga, a indica.

E representante di Sindicato ABV a sigui bisa cu despues a bin cu e ponemento di boiler den e edificio cu te awe nan ta cuestiona esey. A pidi diferente reunion cu tur stakeholder concerni pa saca e boiler afo.

E boiler ta costa 800 mil florin. “Ken tin cu bay paga e boiler? Esun cu a pone den mi concepto. Esun cu ta doño di hospital, hospital no ta doño di hospital (…) Nos ta simplemente un facilitator. Nos ta haci uzo di hospital. Nos no ta doño di hospital. E stichting no ta doño di hospital”, a expresa.

El a menciona cu despues tabata tin problema cu ventilacion, cu schimmel, tubo ta rementa. E edificio nobo ta suppose di wanta 25 aña y no a wanta ni 2 aña. E problemanan ta keda aumenta y pa colmo awor tin e problema di e ‘cyber attack’ pa completa.

E rumbo cu hospital ta bayendo no por sigui mas, den nan concepto como sindicato. Tur cos ta resulta den calamidad riba nan mes, pero e alarma cora no a wordo bati. Aworaki e sistema di internet ta full down. Ta bayendo pa dos siman unda tur cos ta wordo haci ‘old school’, na man y cada dia mas tarda mas funesto e ta bira, Gina Maduro a duna di conoce.

Nan mes como sindicato a acerca gobierno pa interveni pa bin cu un ‘crisis plan’ y esey ta trabao cu for di hopi tempo hospital mester a haci.

E sindicato ta boga e Raad van Toezicht, cu mester ta tripartite, segun ILO, mescos ImSan, SER, SVb, AZV unda tin un balance. Tin representante di dunador di trabao, di sindicato, di gobierno. “Eynan ta papia di good governance”. Hospital no tin e plataforma aki, a remarca.

- Advertisement -

DUNA COMENTARIO

Please enter your comment!
Please enter your name here