Home General Di 16 pa 21 di december marduga lo transporta motornan RECIP di...

Di 16 pa 21 di december marduga lo transporta motornan RECIP di Waf pa WEB

46
0
SHARE
- Advertisement -

ORANJESTAD (AAN): Compania Compania di awa y energia WEB Aruba cu hopi orguyo ta anuncia cu entrante dialuna 16 di december proximo lo cuminsa transporta e 6 motornan di proyecto RECIP fase IV for di waf na Baracadera pa planta di WEB na Balashi.

Tabata algo menos cu 1 aña pasa cu a firma un acuerdo entre WEB Aruba y e compania Wärtsila, pa construi un planta di energia cu 6 motor RECIP cu un capacidad total di 102 MW. RECIP fase IV, lo conduci na un reduccion drastico di uzo di combustibel, cual lo tin un impacto positivo riba medio ambiente.

   TRANSPORTA 300 TON:

Ta trata di seis motor RECIP modelo 18V50DF, cada uno cu un peso di 240 ton. E transporte lo ta na encargo di Wärtsila, hunto cu ATCO y Martin Bencher. Ta calcula cu lo dura 2 ora pa transporta cada motor di waf na Barcadera pa WEB, cual ta un distancia di 2 km.

Cada dia, desde 16 di december pa 21 di december lo transporta un solo motor pa 4:00 AM pa yega na WEB pa 6:00 AM. Unabes na WEB, lo pone e motornan riba nan fundeshi destina, cu ta cla desde algun tempo caba.

    ESCOLTA POLICIAL:

Durante e transporte lo cera e ruta marca riba e potret adhunto. Debi na e ekipo pisa, a dicidi di haci e transporte den oranan di marduga, ora tin menos trafico riba caminda.

Ademas lo haya asistencia di Polis pa guia e transportacion na un manera mas safe posibel. Tambe a percura pa tur instancia y compania ta na altura.

Cu yegada di e motornan RECIP, WEB ta un paso mas cerca di crea un base firme pa e transicion pa un futuro mas limpi y liber di Heavy Fuel Oil (HFO).

E motornan cu ta forma e proyecto RECIP FASE IV ta mas eficiente compara cu e boilernan anticua cu ainda ta forma parti di e planta.

Segun planning, e planta RECIP FASE IV lo keda cla den prome kwartal di 2021; cual lo ta e momento cu lo saca e boilernan for di servicio.

- Advertisement -

DUNA COMENTARIO

Please enter your comment!
Please enter your name here