Home Religion y Espiritualidad Diahuebs ta celebra Fiesta di La Birgen di Guadalupe na Santa Cruz

Diahuebs ta celebra Fiesta di La Birgen di Guadalupe na Santa Cruz

21
0
SHARE
- Advertisement -

ORANJESTAD (AAN): Parokia “Inmaculada Concepcion” Santa Cruz ta celebra Fiesta di La Birgen di Guadalupe, Diahuebs awo, dia 12 di december ta Fiesta di La Birgen di Guadalupe, Patrona nacional di Mexico.

Riba e fecha aki ta conmemora cu na aña 1531 La Birgen Maria a aparece na Guadalupe na un Indjan yama Juan Diego. E pueblo di Mexico pa siglonan largo ta busca refugio cerca Mama Maria.

Nan ta acudi cerca dje pa pidi proteccion contra opresornan, pa haya forsa pa sobrevivi den cualkier situacion y pa un futuro hustu pa nan yiunan.

Pastor Jairo Maduro di Parokia “Inmaculada Concepcion” na Santa Cruz ta haci un yamada special na e pueblo Mexicano residencia na nos isla, tur su parokianonan y henter pueblo di Aruba pa bin compaña La Birgen di Guadalupe den un Procesion y Santo Misa, diahuebs awor, dia 12 di december.

E Procesion ta cuminsa pa 6:30 di atardi y lo sali pabou di misa. E Santo Sacrificio di Misa na honor di La Birgen di Guadalupe lo cuminsa pa 7:00 di anochi cu canto di Mariachi “Luz de la Luna”.

Sa cu e Mama santo y bondadoso lo pidi su Yiu Hesus pa duna tur cu roga na dj’E forsa pa sobrepasa situacionnan dificil cu por aleha nan di Hesus. Esnan cu ta desea por bin bisti cu nan trahe China o Charro. Keda cu e Paz di Señor. Fraternalmente,

- Advertisement -

DUNA COMENTARIO

Please enter your comment!
Please enter your name here