Home General E lider Evelyn Wever-Croes a pone su dobel seis

E lider Evelyn Wever-Croes a pone su dobel seis

964
0
SHARE
- Advertisement -

E mester a resolve den un minuut loke otro a crea den ocho aña

Aumento costo di bida a haya contesta electrico sorprendente 

ORANJESTAD(AAN)–Con el a logra for di momento cu el a wordo forsa di forma gobierno na 2017 pa enfrenta turbulencia politico, tabata un di e preguntanan cu mas a sali dilanti.

“Mi ta respeta Evelyn,” tabata palabranan di amigo y menos amigo, cu mester a bay dia acuerdo cu Evelyn Wever-Croes a mantene su calma ora mayoria di hende lo a fada.

Durante ocho aña, cu conocemento di gremionan, gabinete Mike Eman, a haya oportunidad pa hiba Aruba na rand di abismo. Na 2013, gobierno Mike Eman a bolbe na poder pa na 2014 pone sindicato y comercio hunto cu expertonan na careda pa soluciona e desaster financiero di e pais cu a resulta den un BBO pa AZV entre otro.

Gobierno Mike Eman a haya espacio di crea un desastre financiero y economico. E debe nacional a bira manera un planeta cu tabata tapa e solo di futuro di Aruba, cu casi a muri ora na luga di entrada di Citgo Aruba mester a atende cu entrada di refugiado den un desaster social.

Un manera of otro, caminda hende lo no a spera, tabata tin comprension pa e gabinete di Mike Eman, cu a wordo permiti di keda for di parlamento. Aparentemente esaki hopi hende no a mira pero e no a keda scondi.

Hulanda for di prome cu eleccion a exigi cambio pa evita cu Aruba lo a zink. Despues di eleccion, mr. Evelyn Wever-Croes a wordo forsa di forma un gobierno pasobra Mike Eman a nenga parlamento y gobierno y no a laga ni cifra pa 2018 atras como herencia.

Loke gobierno Wever-Croes a ricibi tabata un rapport di “Bo Aruba” cu a splica kico a pasa y ainda lo mester pasa cu Un Biyon di pueblo di Aruba. Tambe gobierno Wever-Croes a hereda un contracto cu Citgo cu laga Aruba perde aliento cu Wever-Croes mester atende. Tambe gobierno di Wever-Croes a ricibi bishita di Reino y mester a mira con e ta cumpli cu debernan financiero di Aruba pa evita cu Aruba lo a perde hasta su Status Aparte financiero.

E curason di e Arubiano tabata bati duro cada bes cu bira mas conoci con grandi e peso cu el a hereda di gobierno Mike Eman tabata.

Na 2019 mr. Evelyn Wever-Croes mester a presenta un solucion. 2019 a habri cu un manifestacion organisa pa Mike Eman, cu a keda riba baricada pero a bay bebe koffie cu presidente di Parlamento, cu no a hari ora Mike Eman a drenta.

Turbulencia y mas turbulencia a wordo crea pa Aruba, caminda costo di bida a bira demanda di trahadonan cu tabata sinti cu nan no tabata tin placa mas mientras comercio tabata yora falta di benta.

Fin di 2019 y na momento cu ningun hende a spera, mr. Evelyn Wever-Croes a presenta e dobel seis. Sin brassband y baile el a enfrenta pueblo pa entrega su solucion pa baha prijs di coriente y asina e peso grandi den costo di bida.

Siman ta cera cu e prueba di liderazgo di mr. Evelyn Wever-Croes y aplauso di pueblo pa su contesta na costo di bida y mucho mas.

- Advertisement -

DUNA COMENTARIO

Please enter your comment!
Please enter your name here