Home Gobierno E prome Courtyard by Marriott Resort di Latinoamerica y Caribe introduci oficialmente...

E prome Courtyard by Marriott Resort di Latinoamerica y Caribe introduci oficialmente na Aruba

213
0
SHARE
- Advertisement -

A bisa ayo na The Mill Resort

ORANJESTAD  (AAN):  Dos aña pasa, un grupo di inversionista a firma un acuerdo cu e cadena hotelero internacional Marriott  pa dia 1 di December 2019, entrega totalmente cla e prome Courtyard by Marriott den Caribe y e di dos na mundo.

Asina a sosode. Dialuna 2 di December tabata tin un ceremonia special pa yama bonbini na Courtyard by Marriott Aruba Resort unda antes tabata tin The Mill Resort.

Vicky Perez, Gerente General di e resort a expresa dilanti di mandatarionan, parlamentario, inversionistanan di e grupo Alaimo, representantenan di Marriott, contratistanan, empleadonan y un cantidad di invitadonan special cu e ta completamente sigur cu e logro di e inauguracion aki ta un testimonio di loke por haci e interesnan comparti, trabao den ekipo y un vision pa futuro.

El a agrega di ta hopi orguyoso cu Marriott a selecciona Aruba pa realiza e prome Courtyard Resort di e region CALA (Latinoamerica y Caribe), un proyecto bandera.

Perez a gradici e inversionistanan, e grupo Alaimo, specialmente Dr. Carlos Alaimo, pa a kere den Aruba y den e proyecto aki como den e talento local.

Carlos Alaimo tin mas di 40 aña ta bishita Aruba y awor e por bira un soño bira un realidad. Tres aña pasa, e grupo di inversionista a cumpra The Mill Resort di 200 camber y den dos aña a transform’e den un Courtyard by Marriott.

“Nos no ta bay traha solamente pa e crecimento sostenibel  armonioso di e hotel, sino tambe nos kier pusta pa e crecimento di e isla cu boso comosifuera cu mi a nace akinan, pasobra mi ta sinti mescos cu na mi cas”, Carlos Alaimo a expresa.

- Advertisement -

DUNA COMENTARIO

Please enter your comment!
Please enter your name here