Home Gobierno Ekipo Exxpedition trahando estudio cientifico pa colecta datonan cu lo yuda combati...

Ekipo Exxpedition trahando estudio cientifico pa colecta datonan cu lo yuda combati e problema di ‘plastic pollution’

23
0
SHARE
- Advertisement -

ORANJESTAD (AAN): Diaranzon Prome Minister Evelyn Wever-Croes a ricibi parti di e ekipo Exxpedition consistiendo di Sally Earthrowl, Jamie Colman y Juliet Carvalhal. Nan a comparti un poco di nan vision y estudio cientifico riba oceano di “plastic pollution”.

Exxpedition ta un proyecto cu hopi visibilidad internacional na unda cu 300 hende muhe lo nabega full rond di mundo parti den varios fase. E boto di bela nabega solamente door di hende muhe den STEM, a pasa un paar di dia Aruba y awor a sigui pa Panama Canal pa e siguiente fase.

E estudio cientifico lo dura 2 aña y na final lo comparti e datonan pa asina yuda lidernan rond di mundo desaroya maneho a base di dato pa combati e problema grandi rond di mundo di ‘plastic pollution’. E mision aki a cuminsa na October di e aña aki y lo termina na September 2021.

Prome Minister Evelyn Wever-Croes: “Esaki sigur cu ta den alineamento cu nos plan di maneho y sigur un inspiracion pa nos hende muhernan y mucha muhernan pa considera desaroya nan habilidadnan den STEM y asina yuda conserva nos planeta”.

Prome Minister a felicita Juliet Carvalhal pa ta un di e 300 hende muhe cu a wordo scogi pa e mision importante aki.

 

 

 

- Advertisement -

DUNA COMENTARIO

Please enter your comment!
Please enter your name here