Home General Evelyn a cende e luz cu Mike a hipoteca

Evelyn a cende e luz cu Mike a hipoteca

515
0
SHARE
- Advertisement -

Analisis

E fin di abuso, fantasia y dictadura di regimen Mike Eman

*Aruba lo no drenta 2020 cu e desesperacion cu a wordo prepara 

E fin di siman aki ta topa un Aruba cu ta bandona e teritorio di abuso, fantasia y dictadura di e regimen Mike Eman.

E desesperacion cu a wordo crea pa e pais for di 2009 lo drenta historia di Aruba como e logro di gobierno Mike Eman cu a hipoteca Aruba y casi a destrui e presente y futuro di e pais.

2019 a nifica pa Aruba e furia di e grupo di Mike Eman, cu na tur forma a trata di baha gobierno Evelyn Wever-Croes.

Campaña di lodo na e nivel di mas abou Aruba a conoce na 2019 ora e peso total di e regimen Mike Eman a wordo presenta den rapportnan di expertonan di Aruba, cu aparentemente no a pone hopi instancia para keto y pidi Mike Eman cera su boca for di su baricadanan riba caya.

2019 a presenta pa Aruba e abuso di un lider politico cu a uza e mayoria di voto cu pueblo a duna su persona na 2017, pa keda for di Parlamento y persigui tur intento pa rescata Aruba for di e desaster cu el a laga atras.

Negoshinan Arubano tabata sclama pa resultado di medidanan cu mester a wordo carga dor di Arubiano, cu no tin caminda pa bay sconde den e situacion cu Mike a laga atras y cu awor nos ta resumi.

*Gobierno Mike Eman a laga atras un debe nacional casi mes halto cu loke Aruba ta produci anualmente. Esaki ta nifica cu pa por paga e debe aki den un aña, henter Aruba mester entrega tur loke e produci den e aña pa por paga e debe. E ora ainda mester mira cuanto tempo lo tuma pa paga e interes orguyosamente.

*Gobierno Mike Eman a laga atras e herencia di e abuso di 1 Biyon Florin hinca den proyectonan sin planificacion y sin control. Un Biyon di e pueblo a wordo gespart den un tempo di problema financiero grandi despues cu Mike a baha BBO na mita y subi gastonan di gobierno sin ningun compasion cu e pais. Rapportnan oficial riba cual no tin comentario cu por a spera, ta splica kico a pasa cu placa di Aruba.

*Gobierno Mike Eman na forma dictatorial a hinca Aruba den e fantasia di Citgo y henter mundo a hari Aruba cu a bay busca 300 Miyon di Maduro. Dictadura a haya expresion ora Mike Eman y su grupo a mara Aruba sin aprobacion legal di Parlamento, na e acuerdo di Citgo cu mundo financiero economico internacional a laga cu bofon riba cara.

*Gobierno Mike Eman a haci Aruba ridiculo den Reino ora a gasta placa sin control y a bay sconde den Toren pa bebe Ensure. Autonomia di Aruba a kibra y awe Aruba mester atende cu Reino riba e desaster cu Mike Eman a laga atras.

*Gobierno Mike Eman a zink Aruba den incertidumbre, caos economico, financiero y social cu a destrui mundo comercial na Aruba.  Rapportnan di Camara di Comercio, di Conseho Social Economico forma pa Comercio y Sindicato cu expertonan, rapportnan di e autoridad financiero di Aruba y di Raad van Advies, Banco Central di Aruba y Reino Hulandes ta prueba cu DIARIO no ta presenta mentira.

Awe Aruba ta hubila pasobra na entrada di 2020 Evelyn Wever-Croes a permiti Aruba haya un alivio y un chens pa drecha su economia, su situacion financiero y social cu gobierno Mike Eman a destrui como e pio gobernante cu e pais a conoce for di momento cu nan a descubri Aruba!

- Advertisement -

DUNA COMENTARIO

Please enter your comment!
Please enter your name here