Home General Falta educacion pa hendenan realiza cu personanan  special ta parti di nos...

Falta educacion pa hendenan realiza cu personanan  special ta parti di nos comunidad

25
0
SHARE
- Advertisement -

ORANJESTAD(AAN): Relaciona cu Dia Internacional di Hende Special, DIARIO a haci un entrevista cu Director di Stichting voor Verstandelijke Gehandicapten Aruba (SVGA) Drs. Els van Homelen, kende a splica cu pa SVGA tin hopi reto.

“Nos ta existi e aña aki 55 aña, pues mester un fundacion pa boga pa e derechonan di e personanan special manera nos ta haciendo”.

“Ainda e bida na Aruba no ta facil”.

“Si nos wak e tratado internacional cu a wordo firma pa Hulanda na 2016, tur hende cu limitacion mester por participa por completo den comunidad”.

“Aruba no a firma e tratado ey ainda, pero tin hopi trabao pa haci ainda prome cu por bisa cu nos ta firma e tratado y cu nos por cumpli cune”.

Esaki segun van Homelen, kende a sigui bisa cu SVGA tin un scol pa e muchanan special te 16 aña, pero no tin un scol pa despues di edad di 16.

“Mayornan kier pa algo bin pa cumpli cu e nececidadnan di nan yiunan, pero ainda no tin nada oficial”.

“Entre otro no tin suficiente vivienda y ainda no tin suficiente comprension y pasenshi den comunidad y pesey falta hopi educacion y guia tambe pa e famianan mes, pa tur hende realiza cu nos clientenan ta forma parti di nos comunidad”, segun van Homelen.

“Ta importante pa mustra riba e hecho cu banda di e hecho cu nos ta yuda nos clientenan, nan tambe ta siña nos hopi di bida”.

“Nos clientenan ta humilde, amable y cla pa yuda otronan”, segun e director.

- Advertisement -

DUNA COMENTARIO

Please enter your comment!
Please enter your name here