Home Cultura Festival di Dande na Centro di Bario Brazil ta bay reconoce 42...

Festival di Dande na Centro di Bario Brazil ta bay reconoce 42 pilar di Dande

134
0
SHARE
- Advertisement -

ORANJESTAD(AAN): E aña aki ta bay tin 3 festival di Dande.

Esaki a wordo anuncia durante un conferencia di prensa na UNOCA.

Un di e festivalnan aki ta bay ta na Centro di bario Brazil y ta wordo organiza pa Fundacion Chico Harms.

Durante e rueda di prensa Tito Tromp di Fundacion Chico Harms a splica cu e festival di Dande na Centro di Bario Brazil yama: 50 aña di Prome Festival di Dande Pariba di Brug.

“Si nos para keto un rato, esey ta na aña 1969 y ora cu nos analisa esaki bon, nos ta bay honra esnan cu den e epoca ey a participa pa prome biaha bao di scol Cristo Rey”.

“Si nos ta papiando di Dande na aña 69, nos tin hendenan cu a nace den siglo 19 cu a canta Dande”.

“Nos tin un total di 42 pilar di Dande cu nos ta bay reconoce den transcurso di e 50 añanan”.

“Ta trata entre otro di cantantenan, musiconan y personanan cu di un manera of otro a yuda organiza Dande”.

Esaki segun Tromp, kende a indica cu e interes ta hopi grandi e aña aki, unda cu tin 18 grupo tur di pariba di brug cu ta bay participa na e festival cu ta bay tuma lugar riba 27 di December.

No ta conoci ainda cuanto cantante lo participa, pero cada grupo mag di tin un cantidad maximo di 4 cantante.

- Advertisement -

DUNA COMENTARIO

Please enter your comment!
Please enter your name here