Home General Fruta di barco no ta domina menu na Aruba

Fruta di barco no ta domina menu na Aruba

491
0
SHARE
- Advertisement -

Exigencia pa habri frontera y custumber di come

*Importacion Venezuela tabata wordo uza pa negoshi

*Carni y hariña mas halto riba importacion cuminda

ORANJESTAD(AAN)–‘E ansha pa barco Venezolano trece fruta y berdura pa clientenan na Aruba, no ta legitimo ora ta papia di siguridad di Aruba.  Cifranan oficial ta mustra cu Aruba no tin fruta y berdura na prome luga riba mesa di alimentacion y cuminda.”

Problema ta bolbe surgi y atrobe tin presion riba Ministro Presidente Evelyn Wever-Croes pa habri frontera pa asina barconan Venezolano por trece fruta.

Ariba su mes e ponencia cu Aruba mester habri frontera cu Venezuela pa barco yega, ta hopi straño debi na e hecho cu tabata Nicolas Maduro cu a cera e frontera na 2018 y a laga Aruba den problema pa cumpra fruta di Venezuela.

E loke a pasa mester a haci cu e produccion di fruta na Aruba mester a aumenta, manera ta pasa na paisnan desaroya na mundo caminda hasta den barionan ta uni pa produci fruta y berdura.

Na Aruba tambe por planta fruta cu barconan tabata trece y tin bon negoshi den esaki, manera un investigacion di DIARIO a trece na luz.

Tin hopi negoshi cu a reemplasa e negoshinan original di Aruba den bario caminda entre otro fruta ta wordo bendi.

E fruta den basta caso, segun DIARIO a comprende, tabata wordo cumpra na prijs super barata di barconan Venezolano y tabata wordo uza pa cierto negoshinan cu a habri den bario, haci negoshi.

Nan tabata pone nan gasto riba e prijs di compra di fruta na barco pa nan bende. E fruta di barco no tabata carga e prijs di transportacion pa fruta for di paisnan cu mester uza container frio pa trece nan producto y ta mas caro.

E informacion di DIARIO ta indica cu productonan local di fruta tambe por haci negoshi cu e tiendanan aki y reemplasa e productonan di barco.

E total di importacion di fruta trece dilanti den cifra ta indica cu fruta no ta na prome luga den menu di e Arubiano.

Ora mira e lista di importacion di cuminda ta mira cu e balor di importacion di fruta ta 48 Miyon pa tur fruta cu ta wordo importa, cu ta nifica tambe fruta cu barco no ta trece pasobra e fruta no ta wordo produci na Venezuela.

Un suma total di 55 Miyon Aruba a hinca den importacion di berdura di cual un parti grandi no ta bini cu barco.

Di otro banda pa importacion di carni Aruba a gasta 82 Miyon na 2018 mientras na hariña y otro producto parecido a gasta tambe mas cu na fruta y berdura.

Ora papia pues di un maneho di gobierno segun responsabilidad, no por bay habri frontera y crea peliger pa e pais, pa loke e pais mes por produci y por aporta na amplia e economia local riba tereno di agricultura.

Ademas cifranan ta mustra cu e menu general na Aruba, no ta duna prioridad na fruta y berdura.

- Advertisement -

DUNA COMENTARIO

Please enter your comment!
Please enter your name here