Home Politica Fundacion a entrega mas prueba na OM encuanto enrikecimento di Oficina Abogado

Fundacion a entrega mas prueba na OM encuanto enrikecimento di Oficina Abogado

213
1
SHARE
- Advertisement -

ORANJESTAD (AAN): Diamars 3 di december Fundacion Anti Enrikecemento Ilicito y Salvaguardia di Patrimonio Nacional i.o.” a entrega pruebanan adicional na Ministerio Publico relaciona cu e peticion haci dia 18 di november pasa, pa laga haci un investigacion penal contra di Prome Minister Evelyn Wever-Croes.

E motibo di e peticion na Ministerio Publico pa laga haci un envestigacion penal di Prome Minister Evelyn Wever-Croes, ta pa motibo di su decision y accionnan den su funcion di minister cu ta monta na e delito di enrikecemento personal cu fondonan publico.

E peticion original cu a wordo entrega dia 18 di november 2019, a ensera sospecho y preuba di e siguiente delitonan: enrikecimento personal, abuso di poder, favorecemento ilicito, trato preferencial y fraude fiscal.

E sospecho di a comete e actonan aki tin di haci cu e dunamento di contract preferencial na oficina di abogado Wever Croes y Ruiz pa trabounan na companianan estatal di su ministerio.

E oficina di abogado aki ta e compania di e tata di prome minister Wever Croes y den cua e prome minister ta partner y ainda tin interes personal.

E pruebanan adicional cu a wordo entrega awe ta ensera entre otro:

(1) Prueba cu Prome Minister Evelyna Wever Croes mes ta duna encargo na miembronan di e oficina di abogado Croes, Wever & Ruiz, pa representa Pais Aruba y e compania estatal Utilities cu ta cay bou di su responsabilidad ministerial. Prome Minister Wever-Croes a nenga esaki rotundamente den publicidad. Cu e preuba aki e ta wordo desenmascara di ta gaña y ta nenga e enrikecemento personal.

(2) Mas prueba di e relacion entre Prome Minister Wever-Croes y e person escohi (“gehandpicked”) sr. Richard Godfried Eman, cu e a nombra of laga nombra como Presidente Commissario den diferente compania estatal y banda di nombr’e como candidato pa e funcion di Presidente Commissario di Utilities, ela encarga e persona aki temporalmente cu e maneho di Utilities.

(3) E caso pa cua Prome Minister Wever-Croes a busca e oficina di su tata, esta e retiro di e Director di Utilities, sr. Franklin Hoevertsz, ya a costa Utilities centenares di mil forin na costonan di abogado.

- Advertisement -

1 COMMENT

  1. Fundacion di coruptonan i.o., in oprichting? ta investiga corupcion di abogado Ruiz cu ta conoci pa gana caso contra lolonan. djies como anti prueba e minister di defensa cu na 2009 a horta cu ayudo di abogado e placa di venta di edificio conoci como Marriott a wordu paga mas di f.1.000.000 pesey so! By the way e tactica di AVP pa scapa e acusacionnan contra nan ministernan i complicenan di ta pertenece na un organizacion criminal ta hacimi corda lagere school caminda mala muchanan ta justifica nan mal comportacion cu e argumento ” ik niet hij ook”, cual argumento no tin respons mirando cu e parlamento nobo ta esun cu a aproba e presupuesstonan rectificando envolvimento di CAFT desde 1917 pa awe i recupera credibilidad financiero di Aruba!

DUNA COMENTARIO

Please enter your comment!
Please enter your name here