Home Gobierno Gobierno anterior a sconde informacion di Proyectonan PPP pa parlamento

Gobierno anterior a sconde informacion di Proyectonan PPP pa parlamento

243
0
SHARE
- Advertisement -

ORANJESTAD (AAN): Premier Evelyn Wever-Croes a reacciona preocupa riba e Rapport di Contraloria General riba e proyectonan PPP. Specificamente riba e hecho cu Algemene Rekenkamer ta cuestiona cu gobierno anterior no a duna informacion na Parlamento.

Es mas, ARA ta constata awor cu gobierno anterior no a duna Parlamento e informacion cu Parlamento mester pa por haci su trabao debidamente.

Den su Rapport, Algemene Rekenkamer a haci dos acusacion serio contra gobierno anterior.    SCONDE INFORMACION:

Manera DIARIO a trece dilanti recien, ARA ta remarca cu tin hopi informacion detaya y tiki informacion riba riesgonan financiero a largo plaso y e medidanan pa limita e riesgonan aki.

Esaki ta algo hopi serio y tabata conoci cu durante Gabinete Mike Eman I y II e gobierno tabata manipula cu Parlamento. Oposicion tabata critico pero tabata worde bari for di mesa constantemente.

NO A DUNA PARLAMENTO BISTA DI E GASTONAN REAL:

E di dos acusacion serio ta cu gobierno anterior no a duna Parlamento un bista completo di e gastonan y tampoco ta haya informacion presupuestario y di financiamento riba termino largo. Y esaki ta e motibo cu nos pais a yega te na un abismo financiero, mientras e Parlamentarionan di AVP tabata sinta un banda y bati man.

“Mi ta lamenta cu e acusacionnan aki a bin asina laat. Tempo cu mi tabata den Parlamento mi a papia hopi di esaki pero e mayoria den Parlamento e tempo ey no kier a asumi su responsabilidad, es mas, nan a permiti e gobierno anterior comete tur e erornan aki.

Ta tristo pa constata awor e daño cu e gobierno di AVP a causa Aruba. Awor nos tin un situacion full diferente. Nos tin un Parlamento critico, cu ta eherce nan trabao di Parlamentario cu seriedad y dedicacion. Esey ta un condicion hopi importante pa garantisa un democracia solido.

Mi ta preocupa pa e consecuencianan di e mal maneho di gobierno anterior, y mi ta mas determina cu nunca pa fortifica nos institutonan pa garantisa democracia, bon gobernacion y finanzas publico saludable”, Premier Evelyn Wever-Croes a finalisa  bisando.

- Advertisement -

DUNA COMENTARIO

Please enter your comment!
Please enter your name here