Grupo di agente policial a haya condecoracion pa yuda despues di horcan Irma

    335
    0
    SHARE
    - Advertisement -

    ORANJESTAD(AAN): Dialuna atardi na Marinierskazerne un grupo di polis a ricibi un condecoracion den forma di un medaya.

    E medaya aki a wordo otorga na nan pa Ministerio Hulandes di Defensa, pa nan participacion na e operacion di ayudo di emergencia NA St. Maarten despues di e devastacion cu horcan Irma a causa na St. Maarten y e otro islanan Ariba.

    E horcan di categoria hopi halto riba 6 di September 2017 a dal Islanan Ariba fuertemente.

    E comandante di Mariniers Kazerne Dialuna durante un ceremonia special, unda cu Minister di Husticia Andin Bikker y Vice Presidente di Parlamento Alan Howell tabata presente, a splica cu riba peticion di autoridadnan local Defensa a ofrece ayudo humanitario di emergencia y sosten pa drecha bek y mantene orden publico.

    “Sigur durante e prome periodo despues cu e horcan a dal e islanan, tabata tin saqueo grandi tur caminda”.

    “Hulanda y e parti Caribe di Reino a manda helicopter, avion  di transporte y barco pa yuda”.

    Esaki segun e comandante, kende a indica cu nan a trece hopi articulo di necesidad manera cuminda, awa y fuel.

    El a indica Dialuna cu e agentenan policial cu a bay yuda a haci un tremendo trabao y cu pesey e minister Hulandes di defensa a duna nan e condecoracion.

    “E medaya ta un reconocimento pa boso tremendo trabao di para schouder cu schouder cu e militarnan durante e trabaonan grandi di ayudo”, segun e comandante.

    - Advertisement -

    DUNA COMENTARIO

    Please enter your comment!
    Please enter your name here