Home arte y espectaculo Historia tras di obra di arte magistral entrega na e ganadornan di...

Historia tras di obra di arte magistral entrega na e ganadornan di AHATA Excellence Awards

32
0
SHARE
- Advertisement -

ORANJESTAD (AAN):  Artopia, Fundacion pa arte publico Aruba ta splica e historia  tras di e magistral obra di arte tan admira y awor tan desea crea door di e artista di trayectoria internacional Sr. Gilbert Senchi.

E obra a crea tanto impacto y admiracion cu awor ta di 2 aña consecutivo cu e ta wordo entrega na e ganadornan di e AHATA Excellence Awards, birando asina casi manera e insignia di e Awards cu ya ta wordo compara como e famoso premio Oscars di Aruba como e evento mas prestigioso y importante di aña di Aruba.

AHATA tur aña ta reconoce e trabao noble, y ta stimula crecimento personal, di e individuo cu ta aporta excepcionalmente na Aruba su industria turistico y pilar economico.  Ta trata aki di nominadonan cu ta sali for di e ceno di miembronan di AHATA.

Senchi, cu ta bin di nos bario artistico di San Nicolas, su obra ta refleha un “Sea shell”, esaki ya cu nos antepasadonan nativo tabata duna bon bini na nan huespednan mediante e sonido di e trompet di calco y asina demostra nan hospitalidad y amabilidad na e exploradornan.

Senchi su creacion di e ‘Sea Shell Award’ aki ta carga e spirito di amabilidad y hospitalidad ancestral aki y ta mantene esaki bibo mediante e obra di arte aki.

Pa loke ta trata e diseño na e parti exterior di e shell, e estetica rustico ta representa e pasado, e briyo paden ta simbolisa e presente y e spiral y su postura bayendo na laira ta simbolisa futuro y crecimento.

Antepasadonan tabata considera bronze como un metal noble, y bronze tambe ta conoci pa ta un metal cu ta perdura pa hopi generacion.  E sculptura aki ta traha di bronze pa mustra e balor y noblesa di e trabao cu e ganador di e Excellence Awards ta eherce.   E trabou noble di e ganador mescos, cu e sculptura di bronze aki, lo sa di crea un impacto pa hopi generacion cu ta bin.

Miembronan di ARTopia Aruba, Mirla Passchier, Eduard Ellis y artista  Gilbert Senchi kier felicita tur nominadonan y ganadornan di e prestigioso AHATA Excellence Awards 2019. Y tambe gradici AHATA tur su miembronan y staff en especial  Sra. Tisa Lasorte pa e confiansa y apoyo na arte y talento local.

Cada un di e awards ta traha na man y ta consisti di un scultura den bronze cada un cu un serial nummer firma pa e artista.  E ta para riba un base di bronze cu e logo di AHATA y nomber di e ganador.

- Advertisement -

DUNA COMENTARIO

Please enter your comment!
Please enter your name here