Home General Holor malo y gas di Seri Teishi ta sigui afecta bida di...

Holor malo y gas di Seri Teishi ta sigui afecta bida di habitantenan

27
0
SHARE
- Advertisement -

Stichting Parkietenbos ta denuncia

ORANJESTAD (AAN): Mas di dos siman despues cu expertonan di exterior a bishita Seri Teishi pa asisti Serlimar pa remedia e situacion cu a surgi cu e deramento di e envirobales, ainda keto bay holor malo y posibel gasnan toxico ta afectando e habitantenan di e vecindario.

Stichting Parkietenbos tin cu enfatisa cu nunca antes e habitantenan a pasa den un situacion asina manera cu ta pasando actualmente.  For di marduga y mainta trempan e habitantenan no por hala rosea di aire limpi, bo rosea ta worde corta y bo ta ansha y haya tosamento y dolor di cabes. Esaki ta un situacion abnormal cu tin cu worde coregi mas pronto posibel.

E gasnan posiblemente toxico y holor putri ta baha for di Seri Teishi cu e biento y drenta e barionan di Mahuma, Buena Vista, Simeon Antonio y ta hasta yega na e Hotel nobo, Aeropuerto y Primavera.

Antes ta solamente ora cu biento bolter bo ta tin sinti e holor di e dump di Parkietenbos, pero awor ta diferente; e holor malo y gas cu ta corta bo rosea di Seri Teishi ta constantemente afectando e barionan.

Stichting Parkietenbos ta desea di informa e habitantantenan cu pronto lo tin accion di firma masal pa asina pa exigi gobierno un solucion mas pronto cu ta posibel. Mester bin un solucion no solamente pa locual ta tumando lugar na Seri Teishi pero tambe pa e Dump di Parkietenbos y pa maneho di desperdicio aki na Aruba.

Politica y otro interesnan mester worde poni un banda pa pone bida di e ser humano na promer lugar. Mientrastanto Stichting Parkietenbos a establece contact cu instancianan internacional y tambe na Hulanda pa asisti e fundacion den e lucha pa recupera back e derecho humano di e ciudadanonan di e barionan pa por hala rosea di aire limpi.

 

- Advertisement -

DUNA COMENTARIO

Please enter your comment!
Please enter your name here