Home Social Hubiladonan poni den spotlight durante cena festivo na Playa Linda

Hubiladonan poni den spotlight durante cena festivo na Playa Linda

54
0
SHARE
- Advertisement -

Gradiciendo e empleadonan excepcional

ORANJESTAD (AAN)  – Den un obra di gracia, coincidiendo cu “Thanksgiving”, Playa Linda Beach Resort recientemente a honra diesseis miembro balioso di nan team, kendenan cada un a yega un marcapaso di trabou di aniversario e aña aki.

Un cena festivo marcando e ocasion recientemente a keda celebra na Palms restaurant na Hyatt Regency.

E hubiladonan di e aña aki ta representantenan veterano di e departamento di Housekeeping cu Maira Ridderstaat, Florencia “Gloria “ Koolman y Jolanda Roza un biaha reconoci pa nan carera di 30 aña na Playa Linda.

Nan tabata entre e tantisimo hubilado di dobel digit unda Santo Rodriguez y Maria Matos a keda reconoci pa nan dedicacion exhibi den transcurso di un impresionante carera di 20 aña largo; Adilson Silva, Milda Ras, Luc Broekman, Nigaima Ascencion y Pedro Partidas reconoci pa nan contribucion atrabes di un carera di 15 aña; y Jomar Abian galardonado pa 10 aña di excelente trabou.

Similarmente balioso miembronan di team, cu a desplega abilidadnan resaltante durante 5 aña di servicio na e resort, ta Reidson Costa, Laura Sanchez, Sebastian Cardenas, Mario Tromp y Aldrick Krozendijk.

E celebracion di Thanksgiving en grupo ta ofrece e oportunidad pa tanto e cara como e tras di cortina, bin hunto den un celebracion intimo, cu hubiladonan representando e diferente departamentonan, incluyendo Housekeeping, Maintenance, Grounds, Front Office y Human Resources.

Cada hubilado ta parti importante di e team como tambe un altamente balora miembro di e famia di Playa Linda. E nucleo di e mision di e resort semper tabata pa crea un ambiente di cas leu di cas tanto pa miembronan doño di timeshare como invitadonan pero tambe pa esnan cu a scohe pa haci un carera na Playa Linda.

Henter aña largo, empleadonan ta ser brinda oportunidad di entrenamento, evento di team building y excursionnan como reconocimento y oportunidad pa desaroya nan mes. Tur tres di e housekeepernan conmemorando 30 aña a sa di subi pa rangonan di lider y tene posicionnan supervisional.

E evento di Thanksgiving tabata e culminacion di diferente manera den cual reconocimento y gratitud ta keda expresa na miembronan individual di ekipo.

Durante di e recien cena di Thanksgiving, cada empleado un biaha mas ta keda reconoci y entrega un plakaat pa conmemora nan hopi aña di fiel servicio excelente.

 

- Advertisement -

DUNA COMENTARIO

Please enter your comment!
Please enter your name here