Home General Kico lo a pasa cu Aruba si Citgo a bira realidad?

Kico lo a pasa cu Aruba si Citgo a bira realidad?

313
0
SHARE
- Advertisement -

Resumen

Pregunta cu ainda mester haya contesta 

Un pregunta cu ainda mester haya contesta sigur ta e cuestionamento di loke lo a pasa cu Aruba si di berdad na 2018 Citgo a habri su portanan na Aruba.

Te awor politiconan cu mester scapa nan cara ta pretende hunto cu e regimen di Nicolas Maduro, cu ta e medidanan di Merca a haci cu e proyecto Citgo no por a wordo realisa na Aruba.

Si resumi tur loke a pasa for di momento cu a firma e famoso contracto cu Citgo, mester yega na e conclusion cu Aruba mester yama Merca danki pa e hecho cu el a tuma medida final contra Nicolas Maduro. Aki ta bisa final, pasobra na 2017 tanto Merca como Union Europeo a tuma medida contra Maduro y e forma cu e tabata atende cu democracia pero tambe siguridad mundial.

Obama ya a tuma medida contra Venezuela a base di e partnernan di Nicolas Maduro y e peliger cu Chavismo tabata forma a base di hasta terorismo.

Aparentemente gobierno anterior di Aruba no tabata na haltura di loke tabata pasa na mundo ora el a duna prueba atrobe di su gran vision, cu awe tin Aruba na careda.

Pa bolbe na e pregunta cu ta base di e resumen di awe, nos mester puntra nos mes kico lo a pasa cu Aruba si Citgo a bira realidad y aña pasa, Astrubal Chavez a encabesa e alma di economia di Aruba, cu lo tabata den man di Nicolas Maduro.

Pa ta honesto, nos realmente no kier ni pensa kico e suerte di Aruba na e momentonan aki lo ta.

Nos ta mas ansioso pa tende di gobierno actual, con leu a yega cu e marcha di despedida di Citgo, cu ta den un turbulencia cu no por wordo compara ni ora mescla candela cu awa.

Awor e lista di candidatonan pa bira doño di Citgo a bolbe bira mas grandi pasobra Conoco Philips tambe kier haya e propiedad di Citgo pa asina haya pago pa su debe.

Juan Guaidó tin Citgo bou di su halanan, pero ta parce cu e halanan di Guaidó mester di mas fortaleza aunke Nicolas Maduro tambe ta dal poco buelta, cu ta laga hende asombra.

Rusia no ta bisa nada y ta sigui acumula poder den e situacion actual cu a haci Venezuela completamente dependiente di Rusia pa na prijs di baratio e por bende su petroleo.

E pregunta grandi di e proyecto di M&M ta bira awor, cual proyecto Citgo lo a refina na Aruba si Asdrubal no por a yega na e oficinanan cu Guaidó tin den su poder mientras Guaidó no por haci mucho pafo di Citgo pasobra Maduro tin ehercito cu ta maneha PDVSA den su poder.

Pa ta sincero nos mester bisa cu a pesar di e mal rato cu Aruba conoce actualmente, nos ta contento cu Aruba no a cay den e desaster total cu Citgo lo ta actualmente y cu sigur no ta prueba di vision pa ningun politico.

Mientrastanto nos ta sigui spera anuncio cu autoridad Mericano a bin busca informacion riba placa di Citgo, cu tambe a disparce na Aruba, cu a scapa di e desgracia total di un proyecto yama Citgo.

- Advertisement -

DUNA COMENTARIO

Please enter your comment!
Please enter your name here