Home Gobierno Lo revoca permisonan di construccion honra cu no a wordo busca

Lo revoca permisonan di construccion honra cu no a wordo busca

173
0
SHARE
- Advertisement -

DOW: tin tempo te 31 di januari 2020

ORANJESTAD (AAN) – En conexion cu digitalisacion y ordenacion di nan archivo, DOW ta haci un apelacion na tur esnan cu no a busca nan permiso di construccion cu a ser honra, pa haci esaki mas pronto cu ta posibel.

Algun tempo pasa a honra un gran cantidad di peticion pa permiso di construccion.

Varios di esakinan no a ser busca. En conexion cu digitalisacion y ordenacion di nos archivo, DOW ta haci un apelacion na tur esnan cu no a busca nan permiso di construccion cu a ser honra, pa haci esaki mas pronto cu ta posibel.

Conforme cu e maneho di departamento di Supervision di DOW y e condicionnan mara na e permiso di construccion, e permisonan di construccion honra lo bira invalido, si no busca esaki dentro di un aña. Na nomber di Minister encarga cu infrastructura lo revoca e permisonan di construccion aki.

Pa medio di e convocatorio aki DOW ta haci un apelacion na esnan concerni pa busca nan permiso di construccion honra aki prome cu dia 31 di januari 2020.

Den caso cu no busca e permiso di construccion honra, DOW lo supone cu no tin interes mas den e permiso di construccion honra, pa cual motibo lo tuma paso pa revoca e permiso di construccion honra entrante 1 di februari 2020.

Atencion: ta trata aki di e permisonan di construccion cu a ser honra te cu 31 di december 2018.

 

 

- Advertisement -

DUNA COMENTARIO

Please enter your comment!
Please enter your name here