Home Parlamento Marisol Lopez-Tromp presente na seminario di prevencion, sancion y eliminacion di violencia...

Marisol Lopez-Tromp presente na seminario di prevencion, sancion y eliminacion di violencia pa cu hende muhe den politica

24
0
SHARE
- Advertisement -

ORANJESTAD (AAN): Lider di Fraccion di POR, Marisol Lopez-Tromp tabata na Ciudad de Panama pa atende e seminario regional pa profundisa riba prevencion, sancion y eliminacion di violencia pa cu hende muhe den politica cual a tuma luga na e sede di Parlatino.

E seminario aki tambe a worde atendi pa otro parlamentarionan di Aruba, Curaçao y diferente pais Latino Americano.

Durante e seminario a bin dilanti diferente topico di interes y mester remarca cu e aspecto aki, esta violencia pa cu e hende muhe den politica ta presente na Aruba y ta importante pa riba un nivel regional atende cu e tema aki y conhuntamente traha pa preveni y elimina esaki totalmente.

Topiconan cu a atende den e seminario tabata e realidadnan y compromisonan relaciona cu e tema principal. Vice presidente di  Costa Rica, Epsy Campbell a manda un video unda el a papia di muhernan, poder y politica: obstaculonan y desafionan. Tambe Alejandra Mora Mora, Secretario Ehecutivo di e Comision Interamericana di Muhernan di OEA (Organizacion di Estadonan Americano) a elabora riba e impacto di violencia di genero den e ambito politico pa cu muhernan candidato y elegi.

Igualmente tabatin un conferencia  riba e rol di e sistema interamericano den defensa di e derechonan politico di hende muhe.

Despues di esaki tabatin dos panel riba analisis tocante e legislacion cu ta atende violencia pa cu  hende muhe den e ambito politico na America Latina y e otro tabata riba e ruta pa raporta y monitorea casonan di violencia rond di actividadnan politico.

Lopez-Tromp ta indica cu e tipo di seminarionan aki ta hopi importante ya cu akinan por haya e informacion, analisis, maneho y vision di e diferente paisnan den nos region pa atende cu temanan specifico y logicamente e ta un ayudo pa mehora e forma cu nos pais ta anda cu temanan di interes nacional.

- Advertisement -

DUNA COMENTARIO

Please enter your comment!
Please enter your name here