Mike mester drenta Parlamento si Benny sali

    482
    0
    SHARE
    - Advertisement -

    Posibel salida di Benny lo ta ora di berdad pa Mike

    Carta di Mike pa no drenta Parlamento ta bira dobel seis

    ORANJESTAD(AAN)– E hecho cu despues di eleccion 2017, Mike Eman a dicidi cu e no ta drenta Parlamento, a haya un dimension nobo.

    Problemanan den seno di AVP ta serio pasobra e investigacion contra Benny Sevinger por haci cu na cierto momento Benny mester bandona Parlamento si AVP kier mantene imagen di integridad.

    Pa AVP salida di Benny Sevinger for di Parlamento lo tin un impacto mas grandi. Mike Eman mester enfrenta Aruba y splica si na 2017 el a informa autoridad di eleccion, cu e no ta asumi su puesto di eleccion te proximo eleccion.

    Si den su carta den cual el a rechasa su asiento e no a stipula cu e no drenta Parlamento te proximo eleccion, cada bes cu un miembro di e fraccion sali, e mester firma atrobe cu e no kier drenta Parlamento.

    E carta cu Mike Eman a firma na 2017 awor ta bira dobel seis pa e wega cera, manera informantenan a splica DIARIO.

    Mike Eman mester bisa 7 Mil votado si el a firma pa no drenta Parlamento te proximo eleccion, loke ta haci cu el a rechasa di representa 7 Mil votado te otro eleccion.

    Si Mike no a firma e carta oficial, e mester firma atrobe pa keda for di Parlamento si un miembro di fraccion di AVP, sali.

    Cada menasa pa cambio den fraccion di AVP den Parlamento, directamente ta exigi Mike Eman bisa pueblo kico el a haci cu resultado di eleccion ora 7 Mil voto a dicidi pa e drenta Parlamento.

    Un posibel salida di Benny Sevinger pues, lo exigi Mike Eman bolbe confronta Aruba pa splica su posicion.

    Si Gobierno actual baha y yama eleccion nobo, e problema lo stop di existi.

    - Advertisement -

    DUNA COMENTARIO

    Please enter your comment!
    Please enter your name here