Home Gobierno Ministerio di Husticia ta cumpliendo cu acuerdonan di gobernacion

Ministerio di Husticia ta cumpliendo cu acuerdonan di gobernacion

66
0
SHARE
- Advertisement -

Minister Bikker:

ORANJESTAD (AAN): Dialuna mainta Minister di Husticia Andin Bikker a papia riba e desaroyonan den su ministerio.

E mandatario a cuminza na bisa cu e ministerio ta bayendo den direccion di cumpli cu e acuerdo di gobernacion y e mandato di Parlamento.

“Na 2018 y 2019 nos a presenta den e presupuestonan respectivo nos puntonan di maneho conciso y amplio, caminda nos a describi kico ta e maneho di ministerio di Husticia y cu ta refleha claro e acuerdo di gobernacion”.

“Aworaki mi por constata cu orguyo cu nos ta ‘on target’ cu e puntonan di maneho aproba pa Parlamento”.

Esaki segun Bikker, kende a menciona algun di e puntonan.

Minister di Husticia a priminti cu lo percura pa mas visibilidad di polis den nos comunidad y  el a percura por ehempel pa mas vehiculo nobo pa polis, incluyendo un renovacion di e flota di motocicleta pa polis.

“Nos a inaugura tambe un oficina nobo di Tourist Oriented Policing den centro di ciudad cerca di e area turistico y crusero”.

“Nos a re-introduci un helicopter pa por patruya for di aire”.

Esaki segun e mandatario, kende a sigui bisa cu su ministerio a garantiza pueblo cu lo baha e indice di atraconan arma.

El a indica cu el a constata cu a base di e maneho integral, controlnan severo y esfuerzonan di Cuerpo Policial y Ministerio Publico a logra baha e indice di atraco arma.

Na 2016 esaki tabata 65 y a cera 2018 cu 34.

E aña aki e indice ta relativamente abao.

“Nos a bisa tambe cu nos ta bay re-institui e miembronan di Cuerpo Policial como supervisornan di nos leynan di admision y expulsion y esaki nos a haci na comienzo di 2018, cu a resulta di ta un exito”.

“Controlnan rigido di mas cu 400 supervisor nobo di e ley di LTU a pone cu practicamente tur siman KPA ta gara personanan y ta traspasa nan pa Guarda Nos Costa”, segun e mandatario.

Bikker a sigui bisa cu esaki ta importante pasobra hopi di esnan envolvi den e crimennan cometi tabata personanan  procedente di Venezuela entre otro.

“Un otro compromiso cu nos a haci ta cu nos lo reenforza nos fronteranan pa loke ta control y nos a haci esaki entre otro door di instala e Wal Radar cu ta den su fase di prueba”, segun Bikker, kende a indica cu e ta bezig cu introduccion di un ley pa loke ta e ESTA y otro sistemanan manera e asina yama Passenger Name Record, unda cu via sistemanan electronico por anticipa ken ta bay bishita nos isla y si e ta bon bini of no.

Bikker a splica tambe cu a introduci leynan stringent pa atende cu e tematica di mal uso di peticion di asilo.

Banda di esaki a reforza Slachtofferhulp y pronto lo introduci e derecho pa e victima hiba palabra den corte, ora cu ta trata e caso den corte.

Bikker a sigui bisa tambe cu diferente software a wordo introduci y computernan nobo a wordo cumpra pa yuda na KIA, Voogdijraad y Ortopedagogish Centrum entre otro.

 

- Advertisement -

DUNA COMENTARIO

Please enter your comment!
Please enter your name here