Home General Miss Aruba Danna Garcia ta ofrece disculpa y ta pidi pordon

Miss Aruba Danna Garcia ta ofrece disculpa y ta pidi pordon

451
2
SHARE
- Advertisement -

“Kizas mi a splica mi mes malo”

ORANJESTAD (AAN): Riba Social Media tabatin expresionnan hopi radical cu a skeiro Diahuebs den dia, despues cu un video graba pa Miss Colombia durante un recorido den bus na Atlanta, Georgia relaciona cu preparacion pa certamen di Miss Universe, a cuminza circula.

E video a pone algun hende keda desapunta, pa tende con Danna Garcia kende ta Miss Aruba, a bisa riba e video cu e ta 100% Colombiana.  Hopi hende a sinti cu e candidata a caba di rebaha Aruba y mas bien a eleva su pais natal Colombia.

Mas laat, e candidata Danna Garcia mes a pone un video riba Social Media pa asina ofrece su disculpa sincero, y splica exactamente loke a socede, y pa esnan cu a sinti nan mes ofendi por compronde e contexto di ora el a bisa esey.

“Mi ta compronde, pasobra mi a splica mi mes malo den e video,” Danna a indica riba e video nobo.

El a mustra cu e tabata den un combersacion e momento ey cu Miss Colombia y e ora ey el a bisa esey.

“Ami a nace na Colombia, mi tata y mi mama tambe a nace na Colombia, y pesey mi a bisa cu mi ta 100% Colombiana, pero mi a falta e otro pida cu mi ta 100% Colombiana pero mi curazon ta 100% Arubiano,” Danna a splica den e video nobo.

“Aruba a dunami asina hopi oportunidad te cu mi no sa con pa gradici’e.  Mi amistadnan ta na Aruba, mi educacion mi a haya na Aruba, y Aruba a dunami asina hopi oportunidad pa represente, pa traha, y hendenan Arubiano cu a lagami bira e persona aki, y nunca mi lo lubida esaki.”

Y mi kier a pidi boso dispensa pasobra kiza smi a splica mi mes malo den e momento ey, esey no kiermeen cu mi no stima Aruba.  Ami ta sintimi honra di berdad di por representa Aruba, y no solamente pasobra mi ta Colombiana mi lo no hacie mescos cu un Arubiano.

Keremi cu pa ami mi ta un Arubiano, e cultura Arubiano ta di mi, y nos no mester lubida cu Aruba ta consisti di mas di 92 nacionalidad y esaki ta haci.

Mi no kier pa ningun hende sinti nan mes ofendi, mi ta representa Aruba cu curazon pasobra ta e isla aki mi kier laga briya.  Si acaso mi clasifica of gana, ta “Aruba” nan ta bay nombra.  Ami ta sintimi agradeci di por representa Aruba, y esaki ta e unico manera cu mi por gradici Aruba bek.

Mi ta hopi sorry cu boso a compronde malo, y mi spera cu boso pordona mi y cu tur cos keda bon, y mi lo no keda focus riba esaki, como cu e ta ‘traha’ riba mi.  Pero ami ta un hende positivo, y mi ta kere cu ora bo pidi dispensa, kizas nos por compronde otro.

E lo sigui focus e dianan venidero pa laga Aruba su nomber keda na halto.

- Advertisement -

2 COMMENTS

  1. Un hende mester pensa semper bon kiko bo ta bisa y con bo ta expresa bo mes. Tin un dicho ta bisa:” You never get a second chance to make a first impression.”

  2. Tristo ta cu ta su mes paisano ta ponele den un situashon dificil: Miss Belgium ta naci na Filipinas. Un consuelo.

DUNA COMENTARIO

Please enter your comment!
Please enter your name here