M&M mester saca e coneu for di e sombre!

    270
    0
    SHARE
    - Advertisement -

    Resumen

    Hulanda a bisa for di 2016 cu e no tin ningun responsabilidad 

    • E realidad di un fantasia ta spart den cara di trahadonan
    • E resultado di acuerdo di M&M cu DIARIO a pronostica

     

    Durante e temporada cu Aruba ta yena di goso en espera di e dianan di fiesta, un realidad cruel ta spart den cara di trahadonan y contratistanan.

    Reino a adverti y a laba man for di tur problema. Instancianan oficial di Aruba a adverti. Prensa internacional a adverti. Pero M&M tabata sigur di nan mes y nan amistad cu Nicolas Maduro, cu awe ta na careda.

    Awe M&M mester bini dilanti pa splica Aruba kico nan a acorda cu Nicolas Maduro y kico nan a haci ora nan a uza sumanan grandi di Aruba pa yega na un acuerdo cu a destrui e buskeda necesario di un economia planifica.

    Na momento cu nan desaster financiero a hinca Aruba den problema serio, Mike&Mike a realisa e hazaña politico mas increibel den historia di Aruba.

    Nan a dal porta cera pa e control necesario di Parlamento. Enfrenta Reino y tur instancia local y internacional cu tabata adverti nan pa e riesgo cu nan tabata crea pa Aruba.

    Nan a entretene figuranan cu husticia internacional tabata busca pa crimennan manera laba placa y ladronicia y a haci cu placa di Citgo a perde na caminda pa Aruba tambe.

    Nan a destrui e dignidad di Aruba ora cu placa di pueblo nan tabata biaha pa realisa e bofon di mas grandi contra pueblo di Aruba, cu ta e proyecto Citgo Aruba.

    Awe gobierno Wever-Croes ta mira con por deshaci di e restonan mortal di e proyecto di M&M, cu manera Reino a adverti, tabata sumamente peligroso.

    Awor trahadonan cu tambe mester a baila pa M&M ta victima directo. No tin placa pa nan na Refineria di Aruba, cu ta uno di e misterionan financiero den e sistema cu M&M a pone placa di Aruba circula pa bini cu e fantasma di Citgo.

    Gobierno Wever-Croes a logra un acuerdo cu Citgo pa nan debolbe Aruba e yabi d Citgo pero no ta asina sin mas cos ta bay.

    Citgo mester manda placa, cu Citgo no por saca sin mas segun reglanan severo den e campo di bataya cu Citgo a bira.

    M&M tabata sa hopi bon kico tabata e peligernan di regimen Nicolas Maduro, nan amigo stima na Venezuela.

    Awor M&M ta mira e realidad di e obra, cu mester a haci nan Ministro pa bida larga na Aruba. Hamas nan a pensa cu nan lo a perde eleccion na 2017, pero e pagara a cende den nan man.

    Awe pueblo ta pidi M&M pa bolbe baila bin dilanti. Bin splica pueblo pakico Citgo no ta paga belasting. Banco Central, Reino, tur instancia oficial a spierta. Pero M&M a hari nan tur pa firma e acuerdo.

    Awor nos mester pidi M&M bin duna trahadonan, contratistanan, henter Aruba un man. Bin saca e coneu for di e sombre den cual hunto cu Nicolas Maduro, nan a hinca Aruba.

    Bin cu nan magia politico pa scapa Aruba mientras Citgo ta sigui herida Aruba, cu a paga un prijs halto pa e circo di M&M y compania!

    - Advertisement -

    DUNA COMENTARIO

    Please enter your comment!
    Please enter your name here