Home Economia Na 2019 a estabiliza e deficit, pero no na un manera structural

Na 2019 a estabiliza e deficit, pero no na un manera structural

299
0
SHARE
- Advertisement -

Economista Ben Marapin:  “Gobierno mester inverti”

ORANJESTAD (AAN):  Economista Ben Marapin tin su punto di bista pa loke ta 2019 y den entrevista cu DIARIO el a indica cu “2019 no ta un aña di gaba”.

A indica cu estabiliza e deficit, pero no na un manera structural. A indica cu e parti crucial ta e gastonan personal y esey no a wordo echt drecha ainda manera debe ser.

Tin un reto hopi grandi pa loke tabata 2019. Economia nominal a crece tog pero loke ta e spoiler den esey ta e inflacion, cu a pone cu economia real, segun Banco Central, lo tin un caida chikito di 0.09 porciento cu no ta di gaba.

E reto grandi tabata desde dia uno, drecha finanzas publico. A agrega cu el a boga te hasta pa bin cu medidanan cu ta bay hisa entrada a termino corto.

Esey e ta kere cu ta e unico paso cu por  wordo tuma den termino corto, pero na mesun tempo mester a traha con ta bay sanea e gastonan y esey no a sosode, Marapin a indica.

El a agrega cu Gobierno no ta inverti. Esaki a cay basta y pa 2020 ta premira cu inversion lo keda masha abao mes. “Si bo no inverti den bo economia, como gobierno, e infrastructura, otro cosnan, e no ta bay pone bo economia crece. E ta bay bira un “bottle neck” pa bo economia”.

Esey ta un di e cosnan importante pa drecha finanzanan publico di un manera structural, e economista a remarca.

A bisa cu e problema di gobierno no ta cu su entrada no ta suficiente. “Entrada di Gobierno ta basta bon, sigur cu e aumento di BBO, cu a bira 6, cu ta rindi hopi hopi miyones”.

Ben Marapin a sigui bisa cu e cifranan ta mustra bon cla cu door di e medidanan, finanzas publico a estabiliza. Pero si wak e entrada extra door di e medidanan cu a wordo tuma, e situacion mester ta hopi mas favorabel awendia pa loke ta finanzas publico.

Ariba esey a bin un plan social cu ta costa miyones. Mester traha duro con ta bay mehora e plan aki sin cu e hendenan den situacion vulnerabel ta keda depende di gobierno, a señala.

Mester tin un plan integral entre sector priva, sindicatonan, gobierno, muy en particular minster di labor y di enseñanza y hunto traha con ta bay drecha esey, Marapin a expresa. “Si bo productividad no crece, bo economia no ta bay crece y entrada pa cabez, entrada pa cada trahador no ta bay crece manera debe ser, a duna di conoce.

- Advertisement -

DUNA COMENTARIO

Please enter your comment!
Please enter your name here