Home Policial No ta posible pa ciclistanan core riba Watty Vos Boulevard

No ta posible pa ciclistanan core riba Watty Vos Boulevard

2434
0
SHARE
- Advertisement -

Vocero di polis Lito Lacle ta adverti:

ORANJESTAD (AAN)—E velocidad maximo riba Watty Vos Boulevard ta 80 km pa ora, cu ta halto, di manera cu pa core bicicleta riba e caminda aki, practicamente no ta posible.

Asina vocero policial Inspector Lito Lacle a declara den entrevista cu DIARIO, relaciona cu un mucha cu a pasa den accidente riba bicicleta, riba W.V Boulevard.

El a menciona cu esnan riba bicicleta mester baha di dje y gara e bicicleta na man, wak bon den tur direccion y cruza caya. No obstante di e otro banda tambe tin un seroe chikito cu no por pasa riba dje.

E funcionario a indica cu unda cu tin zebrapad e peaton por cruza y preferencia ta wordo duna na dje, pero no na e ciclista. E ciclista, el a reitera, tin cu baha for di su bicicleta, cana cruza cu su vehiculo na man, y no tin otro manera. Esey ley ta prescribi. Tambe el a adverti e peaton cu ta imposible pa subi riba e sero chikito pasa door di dje y cruza caya, pasobra e persona por perde balansa y trafico ta pasa y pro causa desgracia na e persona.

Na cas mester concientiza e muchanan, ya cu hopi biaha nan ta tribi di haci cosnan cu mayornan no tin control riba dje,  y ora nan ta na cas trankil e muchanan ta cruza caminda cu consecuencia, cu den e caso di e hobencito concerni, por tabata fatal pe.

E aña aki tin te awo 8 caso lamentable di accidente fatal y tres di nan ta peaton. Dos ta peaton, tres pa falta di preferencia y un a dal contra un rotonde, y locual ta resalta ta e casonan di peaton, y ta bon pa concientiza riba e tereno aki.

Lacle a subraya cu un velocidad di 80 kilometer pa ora, na momento cu un chofer ta break e impacto contra e curpa di un ser humano por ta fatal.

Vocero policial sr. Lacle a menciona cu tin un discusion riba e hecho cu ta wordo bisa cu stuurdornan di auto no ta respeta e ciclistanan, y e mes a hiba discusion riba esaki. Segun cifranan den un aña a sosode 8 mil dalmento di cual un pa dos ta ciclista y tin166 pa luna, cual ta cifranan cu ta resalta.

Toch tin algun pasada special pa ciclista cu nan mester uza nan di manera adecua. Ya caba a yega na ocho morto den trafico, y sr. Lacle no kier pa esaki aumenta. E ta pidi tur hende cu ta participa den trafico di cual forma cu ta, pa tene cuenta cu haya of duna preferencia.

- Advertisement -

DUNA COMENTARIO

Please enter your comment!
Please enter your name here