Home General Ora cu ta wak un truck di Brandweer ta na caminda hala...

Ora cu ta wak un truck di Brandweer ta na caminda hala na e ‘slow lane’ y laga e ‘fast lane’ pa Bombero por pasa

607
0
SHARE
- Advertisement -

Ferdinand Ponson

ORANJESTAD (AAN):   Ferdinand Ponson di Cuerpo di Bombero a indica cu tin varios melding ora nan trucknan ta sali. E trucknan ta bay den direccion di Watty Vos Boulevard y door cu tin e dos lane (fast lane y slow lane) y ora cu ta wak cu e truck ta na caminda ta pidi hala pa  bay na e ‘slow lane’ y laga e ‘fast lane’ pa Bombero por pasa.

Ponson a indica cu ta lihe pa mesora pone e señal y hala na e ‘slow lane’ pa asina e truck di Brandweer por pasa trankil sin causa mucho molester.

Trafico mester tene cuenta cu autonan di emergencia ta bin, no mester bay den panico. Djis mester hala na banda.

Ferdinand Ponson a agrega cu ora cu nan ta bezig cu un emergencia, e chofernan ta core manera ley ta bisa, segun e limitenan di velocidad. Locual nan ta pidi pueblo ta pa tene cuenta cu e trucknan y pa duna nan espacio pa por pasa. Corda cu nan ta na  caminda pa evita un desgracia mas grandi, a remarca.

El a indica tambe cu a ripara cu tur e anochinan aki tin awa ta yobe y esey toch ta yuda hopi. Temporada di clapchi ta den porta. Tin diferente afdeling di Brandweer ta bay sali pa haci controlnan.

Ta un tendencia cu durante fin di aña semper tin mas candela di mondi. Pesey ta bon pa na cas tene cuenta cu esaki y chapi, kita e yerbanan cu por pega candela den caso cu un clapchi cay ariba nan.

Tambe mester percura pa e seguridad ora di maniobra cu vuurwerk, a enfatiza. No laga e muchanan chikito mishi cu e vuurwerk. Laga nan tira esaki cu guia y corda semper tin un cup di awa banda di dje pa si algo pasa, por laba e man of e wowo.

Mester corda cu ta bay tin diferente evento den e luna y tin pura pa sali. Corda sali tempran ya cu no tin pura, Ponson a remarca.

 

- Advertisement -

DUNA COMENTARIO

Please enter your comment!
Please enter your name here