Home Parlamento Parlamentario Endy Croes asombra cu declaracionnan di Eman

Parlamentario Endy Croes asombra cu declaracionnan di Eman

82
0
SHARE
- Advertisement -

ORANJESTAD (AAN): Parlamentario Endy Croes a tuma nota cu Mike Eman, lider di AVP a cuminsa busca algo pe tene na dje sin importa cuanto e lo mester keda gaña.

Manipulacion di Mike Eman ta continua. Por a lesa un articulo siman pasa di Mike Eman unda e mes a skirbi cu “Normanan cu gobierno actual mester cumpli cune ta mesun normanan cu gobierno di AVP tambe a acorda den protocol e tempo aya”.

Protocolnan di 2015 y 2018:

Parlamentario Endy Croes mesora a busca e protocolnan di 2 di mei 2015 (Mike) y esun di 22 november 2018 (Evelyn).  E Protocol di Mike cual a worde mara den un Ley LAft ta papia di normanan como lo siguiente: (2015) deficit 3.7%, (2016) deficit 2.0%, (2017) deficit 0.5% y na (2018) surplus di 0.5%. Momento cu Mike Eman y AVP a worde cori malamente for di gobernacacion e Coalicion actual a haya nan mes confronta cu un situacion financiero caotico y mucho mas malo cu a anticipa.

A traha un FEM unda finalmente a acorda den e protocol nobo di 22 november 2018 cu e normanan na (2019) lo tin un deficit di 0.5%, na (2020) un surplus di 0.5% y na (2021) un surplus di 1%. Pues aki atrobe claramente por tuma nota con Mike Eman den su retorica di mentira kier implanta den pueblo algo cu no ta existi.

Cifranan artificial di mas di 70 miyon:

Nos tur por corda con  Mike Eman y AVP a cera presupuesto 2017 cu cifranan artificial di mas di 70 miyon na entrada di CITGO cual te awe no a habri corda pa haya e entrada ey. Consecuentemente na 2017 AVP no a yega na e normanan palabra, pero no solamente esaki AVP no a laga atras tampoco un presupuesto 2018. AVP a percura pa e deficit alcansa 9.3% na 2014 un record cual lo keda riba nomber di Mike Eman y AVP.

Pueblo ta corda con Juan Irausquin a bay sinta den gang na Hulanda y no a worde atendi? Despues Juan David a regresa Aruba y na yoramento na airport a entrega su retiro di AVP como cu Mike a tum’e haci y pone pasa berguensa manera un mucha manda. Prohibi pa lubida. Asina tin storianan real cu nos por sigui conta di AVP decifrando nan manipulacion. Cu e datonan ariba presenta

Parlamentario Endy Croes ta prueba y ta demostra con Mike Eman un biaha mas ta gaña y ta keda biba den su mundo di fantasia y mentira. Hendenan manera Mike Eman no ta sirbi Aruba na nada y e mihor solucion ta pa nan retira di politica y nunca pero nunca mas bolbe  back.

- Advertisement -

DUNA COMENTARIO

Please enter your comment!
Please enter your name here