Home Parlamento Parlamentario y e asunto di Carchi pa hendenan cu limitacion bay staciona

Parlamentario y e asunto di Carchi pa hendenan cu limitacion bay staciona

25
0
SHARE
- Advertisement -

ORANJESTAD (AAN) – Den un entrevista cu DIARIO, Parlamentario Robert Candelaria a elabora tocante e ley pa otorga carchi di stacionamento, na personanan cu limitacion fisico.

Esaki tabata un iniciativa di sr. John Solognier (den feliz memoria) y algun parlamentario a tuma su peticion, y aunke den Staten tin diferencia di opinion, e peticion aki a worde tuma unanimamente y a support pa bin cu e carchi menciona. Tambe e parlamentarionan di MEP a pidi pa inclui e stacionamento pa hendenan cu ta bay casa dilanti Censo, pero aworaki ta un aña leu, y ainda no a yega na e meta.

Parlamentario a menciona cu ora e ta topa cu personanan cu limitacion, ora e ta topa nan den organizacionnan cu nan ta forma parti di dje, of gewoon riba caya, semper e ta keda asombra cu nan ta hendenan hopi positivo y alegre. Pero su deseo ta cu comunidad, y sigur gobierno y parlamento, por haci mas pa nan.

Nan ta hendenan cu merece esaki y cu tin biaha no por logra esaki pa nan mes, y gobierno y parlamento tin e posibilidad pa yuda, y e ta spera cu tur hende pone forza hunto.

Candelaria a indica cu aworaki nan ta basta cerca di yega na e meta pa nan logra nan carchi, y cu nan por staciona nan auto den e lugarnan cu nan ta desea, y cu esnan cu ta haci maluso di e espacio, polis y OM por traha process verbal contra nan.

E Parlamentario a acentua cu mester yega na un concientizacion unda pueblo lo respeta nan y duna nan e espacio necesario. Esaki ta djis un paso chikito y manera e ta mira tin hopi mocion den pasado cu a pasa pa yuda hendenan cu limitacion, den forma di subsidio y otro maneranan, sinembargo e ta keda te e deseo, pero mester mira resultado, hechonan.

- Advertisement -

DUNA COMENTARIO

Please enter your comment!
Please enter your name here