Home General Peliger financiero pa Aruba di 2020 pa 2040

Peliger financiero pa Aruba di 2020 pa 2040

281
0
SHARE
- Advertisement -

Gobiernonan di Reino y Aruba ta tene cuenta cu berdad grandi 

  • Proyectonan di halto riesgo lo domina maneho financiero
  • Futuro di Aruba ta depende di vigilancia gasto incalculabel

ORANJESTAD(AAN)– “E politico cu priminti Aruba un porvenir directo sin problema, ta practica mentira. Ta te na momento cu e ultimo debe di e serie di proyectonan costoso wordo paga, Aruba tin siguridad cu el a scapa. Esaki ta nifica cu Aruba lo keda den zona di peliger financiero cu e no por calcula manera mester ta, durante e proximo bini añanan.”

Na final di 2019 Aruba ta enfrenta un etapa nobo. Durante 2018 y 2019 mester  tuma prome pasonan pa evita un desaster financiero na e pais.

E motibo pa cual Aruba ta enfrenta un futuro den cual e sector di financia ainda ta cubri cu riesgo, ta basta dificil pa Aruba comprende ya cu Aruba no a wordo bon guia den e situacion cu a presenta su mes a base di maneho financiero cu a wordo hiba a base di programanan di gobernacion 2009-2017.

No ta trata solamente di debenan directo cu a haci ora gastonan a surpasa entrada, pero di e proyectonan caro cu a introduci sin planificacion administrativo y financiero adecua.

E proyectonan grandi cu ta sumamente costoso a wordo realisa pa e parti cu a atrae bista di pueblo prome cu eleccion 2017. Nan berdad awor ta bini dilanti mientras autoridad financiero ta publica informacionnan oficial den cual ta bini dilanti cu e maneho financiero cu a wordo hiba lo percura pa riesgonan duradero pa Aruba.

E proyectonan di Avenida Watty Vos y Green Corridor, actualmente ta wordo vigila di acerca dor di autoridad financiero pa e motibo cu mester paga y cu ya a introduci e belasting PPS, cu no ta un impuesto cu destino specifico.

Mientras awor autoridad financiero ta nota cu e gobierno nobo a introduci un maneho pa atende cu e problema, den su ultimo rapport ta bini dilanti cu prome cu gobierno a bini cu planificacion concreto ya Parlamento a aproba e leynan cu a regla existencia di e proyectonan.

Durante e proximo binti añanan Aruba mester paga sumanan halto riba e financiamento di e proyectonan aki y e unico forma cu Aruba por haci esaki ta pa medio di baha gasto di gobierno y aumenta su entrada.

E hecho cu tanto Reino como gobierno actual ta consciente di e riesgo financiero cu Aruba ta enfrenta dor di e posibilidad cu ainda e gastonan por subi, ta e motibo pa e urgencia pa tuma medida financiero.

Por resumi cu durante e añanan cu ta bini, Aruba mester subi su entrada dor di mas actividad economico y medida pa paga debenan pero tambe dor di baha su gastonan.

E exigencia aki ta wordo sostene dor di instancianan oficial cu ta mustra Aruba a siña un les di loke un maneho financiero iresponsabel por haci cu un pais.

Futuro di Aruba awor ta depende di vigilancia di estricto di su gastonan mientras e riesgo cu e proyectonan grandi ta encera pa e pais lo keda incalculabel durante e proximo decadanan.

 

 

 

 

- Advertisement -

DUNA COMENTARIO

Please enter your comment!
Please enter your name here