Home Policial Polis lo bay reparti multa pa tur esnan cu ta staciona malo...

Polis lo bay reparti multa pa tur esnan cu ta staciona malo den December

211
0
SHARE
- Advertisement -

ORANJESTAD (AAN): Luna di December semper ta bira uno hopi druk den henter Playa.  Y ora cu no por haya lugar adecua pa staciona, bo ta haya algun chauffeur cu ta riesga y ta para “con cu ta”, djis pa nan por ta hopi cerca di e tienda of negoshi unda nan tin di bay.

Nan ta hisa benta, staciona mitar riba acera, of hasta staciona parcialmente riba caminda unda tin un Bus Stop.

Polis ta na altura di esaki, y pesey vocero policial Lito Lacle a divulga cu Cuerpo Policial Aruba ta cla pa start un accion entrante Diahuebs 12 di December venidero.

El a splica cu tur Polis di Districto di Oranjestad, for di dia 12 di December 2019 en adelante lo organiza diferente accion di control den centro di ciudad.

Nan lo check tur chauffeur y vehiculonan cu ta para unda cu ta, siendo cu tin un “stopvervod”.  Nan lo check y multa tur chauffeur cu dicidi para siendo cu tin un “wachtverbod”.

Esey no ta tur, nan lo bay ta extra vigilante y reparti multa pa e chauffeurnan cu ainda ta tribi y staciona nan vehiculo riba acera, y stroba tanto auto y tambe peatonnan di cana.

Segun Lacle, nan lo check tambe autonan cu ta staciona malo, esta 5 meter for di un cruzada, siendo cu les di rijbewijs ta splica claramente cu esey ta prohibi.

“Ta bay duna multa y lo haci uso di takelwagen si ta necesario,” vocero policial Lacle a indica na DIARIO.

El a splica cu e accionnan aki lo ta tur dia, di Diahuebs 12 di December te cu final di aña, esta Diamars 31 di December 2019.

 

- Advertisement -

DUNA COMENTARIO

Please enter your comment!
Please enter your name here