Home Politica Politica na Aruba ta kibra futuro di un mucha

Politica na Aruba ta kibra futuro di un mucha

765
0
SHARE
- Advertisement -

Mundo politico di Aruba ta alcansa su nivel mas abou

  • Yiu di Rocco Tjon ta wordo marca pa resto di su bida
  • Pelea actual ta deshaci di derecho legal di un inocente 

ORANJESTAD(AAN)– “Loke ta pasa na Aruba actualmente no tin nomber. Un mucha inocente ta wordo uza den un pelea politico sin nomber, cu ta marca e nivel mas abou cu politica na Aruba a conoce.” Esaki ta informacion cu DIARIO a ricibi a base di e desaroyonan mas abou cu mundo politico di Aruba a yega di registra.

Informacion experto cu DIARIO a solicita ta indica, cu aki no ta trata di e hecho si un mucha ta wordo perhudica pasobra e ta yiu di un politico cu ta wordo ataca pa contrincantenan.

“No por compara loke ta pasa den e confrontacion di politiconan di AVP contra Rocco Tjon cu situacionnan den cual yiu di un politico ta scucha acusacionnan contra su tata. Ta dificil pa un mucha tende cu nan ta yama su tata ladron, por ehempel. Den e caso di Tjon tin algo sumamente grandi. E futuro di e mucha ta wordo kibra,” a wordo treci dilanti.

E direccion cu e confrontacion AVP contra Tjon a tuma, ta afecta e mucha directamente pasobra sigur den un comunidad chikito un mucha ta wordo stigmatisa, pues ta wordo marca pa loke ta pasa.

Den e caso aki directamente ta wordo bisa cu un mucha a bira victima di su tata. Si hasta den Corte di Husticia den e tipo di casonan cu tin mucha involucra ta trata na no perhudica e mucha, den e caso aki ta sigui elabora riba algo cu ta horibel pa e mucha na prome luga.

“E mucha ta bay bira victima di redashi awe y den futuro. Nan lo bay mustra dede riba e mucha, cu lo no tin futuro mas na Aruba,” a wordo treci dilanti.

Informantenan a indica na DIARIO cu ta increibel con por ta papia di psycholoog den e caso aki si aki ta crea un problema mental pa un mucha cu mester drenta futuro cu un nomber cu politica a crea den un pelea politico.

“Un mucha tin mes derecho riba proteccion di su dignidad cu un adulto,” a wordo mustra. E dignidad di e yiu di Rocco Tjon ta wordo directamente afecta sin cu e mucha por defende su mes.

Den Corte ta trata casonan den cual un mucha ta wordo afecta cu hopi delicadesa y hasta tras di porta cera pa evita e resultadonan cu e tin pa un mucha.

“No ta Rocco Tjon lo sufri di e resultado mas serio. E mucha lo sufri den futuro ora den un comunidad chikito sigur ora hendenan lo uza e suceso actual pa ataca e mucha cu mester bira un adulto,” a wordo mustra.

E hecho cu politica na Aruba mester a yega e nivel actual ta wordo lamenta dor di informantenan cu no tin palabra pa hustifica e desaroyonan actual.

 

- Advertisement -

DUNA COMENTARIO

Please enter your comment!
Please enter your name here