Home General Politikeria tradicional a causa sabotahe na hospital

Politikeria tradicional a causa sabotahe na hospital

129
0
SHARE
- Advertisement -

Analisis

Gobierno Eman no a uza placa di Aruba pa siguridad di pais

Prome cu Salud Publico na Aruba a wordo paralisa door di e acto di sabotahe na Hospital, DIARIO tabata dedica hopi atencion na e centro di salud y bienestar di Aruba cu hospital ta. Tanto riba tereno di peligro fisico y otro menasa di siguridad, hospital tabata ehempel pa e forma cu a gasta placa sin tene cuenta cu e aspectonan principal den tempo moderno.

Investigacionnan profundo cu DIARIO a haci y cu a resulta di ta basa riba berdad dor di desaroyonan lamentabel na Aruba, ta mustra cada rato mas y mas con politica tradicional tabata un barera contra e bienestar di Aruba.

Den e epoca cu Gobierno Eman a destina 1.6 Biyon pa proyectonan cu cual e por a hunga politica popular na Aruba, exigencianan nobo a cuminsa mira luz riba tereno di siguridad nacional cu no tabata depende mas riba peligernan di pasado so.

Ciencia a avansa y Gobierno Eman mester tabata sa cu proteccion di e sistema di computer tabata exigi inversionnan grandi pa proteha e pais.

Ora analisa proyectonan di gobierno Eman ta topa cu fietspad, tram, brug, rotonde, pero no ta topa cu e parti cu mester a garantisa cu e menasa mas grandi pa siguridad nacional, lo a alcansa Aruba.

Awe DIARIO ta produci e preocupacion mundial grandi di mundo moderno cu ta proteccion contra sabotahe, destruccion di sistemanan pa medio di uzo di computer dor di malhechornan.

Den e maneho di gobierno Eman no ta topa cu adaptacion necesario di e pais na cambio moderno, cu ta encera cu awe ta uzo di computer ta domina den funcionamento di Aruba y di mundo.

Placa cu a wordo gasta riba tram, fietspad, un coleccion di rotonde pa no papia mes di plantacion di mata cu ta muri den solo, mester a wordo uza pa siguridad di e pais contra e invasion via computer cu a bira e medio di comunicacion principal di tempo moderno y den gobernacion.

Informantenan ta mustra cu e problemanan na hospital ta prueba di mal maneho di fondonan di e pais, cu mester a wordo prepara pa futuro den cual uzo di computer segun exigencianan di tempo moderno lo tabata central.

Ora papia di siguridad nacional ta papia di tur peliger cu tin pa un pais y gobierno e tempo sigur mester a tene na consideracion con ta evita loke a pasa awe y cu ta un señal grandi pa problemanan moderno cu e era di computer ta presenta.

Sigur ta cu e parti mas grandi di 1.6 Biyon cu a uza pa hunga politica, mester a wordo hinca den creacion di sistemanan di proteccion pa siguridad nacional, grandemente influencia pa uzo di computer cu ta kibra murayanan di gobernacion y siguridad di e pais.

Tempo cu a construi e hospital ya sistemanan tabata computerisa y awe ta sali na cla con peligroso ta pa haci conexion riba computer sin sistemanan di siguridad cu uzo di computer ta encera.

Siguridad nacional ta hancra den proteccion di sistemanan nobo pa garantisa peligernan moderno. Hospital ta un señal pa Aruba cu awe mester tuma pasonan serio riba tereno di siguridad nacional cu proteccion di sistemanan di gobernacion cu ta depende riba uzo di computer.

 

 

 

- Advertisement -

DUNA COMENTARIO

Please enter your comment!
Please enter your name here