Home General Prijs di ticket y airport tax halto entre e islanan ta keda...

Prijs di ticket y airport tax halto entre e islanan ta keda un preocupacion

698
0
SHARE
- Advertisement -

Minister McWilliam di Corsow

ORANJESTAD (AAN):  DIARIO a haya oportunidad di tene un entrevista cu Minister di Desaroyo Economico y Turismo di Corsow, Giselle McWilliam, durante e cobertura di e vuelo inaugural entre Corsow y Miami, cual ta wordo realiza awor pa Aruba Airlines.

A puntra e mandatario ariba e asunto di conectividad entre e islanan. El a splica cu e conexion entre e islanan semper ta keda un reto.

McWiliam a indica cu el a caba di viaha pa Republica Dominicana, Cuba y algun otro isla recientemente y tur ta wordo considera como un region. “Nos ta mucho cerca pero mucho leu”, a bisa.

E ta spera cu e venida di Jet-air, cu Aruba Airlines y otro aerolineanan cu tin actualmente por colabora cu otro en bes di competi cu otro y acapara e region di Caribe cu tin asina tanto oportunidad.

E mandatario curasoleño ta di opinion cu un reduccion den prijs di ticket pa bula entre e islanan ta den man di e comerciantenan. Sigur ta un tema di preocupacion, a remarca.

Recientemente McWilliam tabata na Aruba y a toca e tema aki durante di e encuentronan cu tabata tin cu gobierno y algun departamento. Pero den cuadro di e airport tax cu ta hopi halto entre e islanan, ($36 na Bonaire), esaki ta algo cu ta keda mira como no husto.

Den pasado a acorda pa entre e islanan mantene e airport tax un tiki abao pa asina por duna un tiki rosea na esnan cu ta viaha entre e islanan.

 

EMBARCACION CARD 

 

Recientemente Corsow a introduci su Embarkation Card digital. Relaciona cu esaki Minister McWilliam a declara cu esey ta un adelanto hopi grandi y ta bay keda expande esaki y mehor’e.

E idea ta cu Corsow ta bay tin un ‘happy flow’ unda ta drenta y sali for di airport sin cu ta sinti cu a drenta un aeropuerto.

“Esey ta e meta final pa nos duna e turistanan of nos como yiu di tera cu ta viaha un experiencia dushi y trankil na airport”, a expresa.

- Advertisement -

DUNA COMENTARIO

Please enter your comment!
Please enter your name here