Home General Prome borchinan di direccion a wordo instala ariba Watty Vos Boulevard

Prome borchinan di direccion a wordo instala ariba Watty Vos Boulevard

360
0
SHARE
- Advertisement -

ORANJESTAD (AAN): Ora cu Watty Vos Boulevard a habri tabata tin hopi hende tabata comenta ariba e echo cu nan tabata sinti un tiki perdi ora cu tabata subi e rotondenan.

Tabata parce cu otro pais nan a yega pasobra nan no tabata reconoce e paisahe ni tabata tin borchi indicando  cu esey ta tal of cual caminda.

Wel, por fin, despues di algun siman, ya caba DOW a cuminza instala e borchinan di direccion cu ta indica e chauffeur unda nan mester sigui pa yega nan destino.

Sinembargo, e borchi no ta bisa cu bo ta na tal caminda e momento ey. Lo ta great e ora si por ta comercio por duna patrocinio y den cada rotonde pone un borchi cu ta bisa algo asina: “Bonbini na Ponton”, “Bonbini na Cumana”, etc.

Esey lo ta un bunita idea pa asina e chauffeurnan sinti nan mes mas ubica, mescos cu e turistanan.

Aunke e borchinan di direccion ta mustra cu e next destino ta “Ponton” of “Sero Patrishi”, por ta cu poniendo e nomber mes di e bario, esey lo ta mihor y lo duna un ‘boost’ na e aspecto turistico di e isla.

Por a mira cu e prome borchinan ya caba a wordo instala na Cumana, dilanti di ex Texas y e otro na Sero Patrishi. Mientrastanto, otro borchinan di trafico manera ‘Zebrapad’, ‘Bushalte’ (cu ainda falta dak), borchi di velocidad, entre otro, si a wordo instala.

Ban spera cu den e proximo dianan por mira mas desaroyo relaciona cu e aspecto aki ariba Watty Vos Boulevard.

- Advertisement -

DUNA COMENTARIO

Please enter your comment!
Please enter your name here