Home General Proteccion di informacion medico hospital a faya

Proteccion di informacion medico hospital a faya

176
0
SHARE
- Advertisement -

Inversionnan den sistema pa comunicacion ta wordo cuestiona 

  • Aspecto politico a domina den mayoria Parlamento na 2013
  • Informacion internacional ta expone peliger mal maneho 

ORANJESTAD(AAN)– “E proyecto Hospital Nobo tabata parti di un proyecto total den cual e aspecto politico a domina. No tabata tin bon bista riba e maneho cu ta garantisa cuido medico y cu mester tin mas atencion cu e bunitesa superficial pafo di e murayanan. Parlamento mayoritario di Aruba a faya ora na 2013 nan a bay di acuerdo cu e proyecto Hospital Nobo y e gastonan enorme pa Aruba sin siguransa cu e necesidadnan basico pa e institucion medico tabata sigura.”

Esaki ta parti di informacionnan cu DIARIO ta sigui ricibi riba e preocupacion number uno di Aruba na e momentonan aki cu ta Hospital.

A wordo mustra cu e proyecto a wordo carga pa politica. E tabata parti di e proyecto total di Bo Aruba, den cual bon maneho y supervision no tabata presente y no tabata tin e base di control di calidad medico di e hospital como punto di salida.

Den e gastonan grandi cu Aruba a haya su mes sin un maneho cla hasta pa e propio gobierno y autoridad financiero, no a tene cuenta cu e exigencianan di proteccion y siguridad ni cu reservanan cu mester tabata disponibel pa continuamente adapta e sistemanan di siguridad cu ta proteha informacion medico.

E peligro a bira mas grandi ora a centralisa informacion medico di Aruba y tecnica di internet (digital) a haci posibel pa henter cuido medico ta conecta pa medio di computer.

Pa un hospital por mantene un sistema sigur centralisa di informacion medico, tin regla internacional pa participacion di instancianan medico den e sistema di comunicacion y exigencia di gastonan cu mester wordo haci pa por proteha e informacionnan.

Reglanan internacional ta exigi cu e proteccion di informacion medico riba computer mester tin mes of mas prioridad cu e edificio entre otro. E informacion medico ta central pa e hospital por funciona bon, manera awor a bini dilanti.

Mester identifica di antemano e limitenan cu ta impone pa uzo di e comunicacion central y cada ramo den cuido medico mester por alcansa e partinan di e comunicacion segun nan necesidad pa haci nan trabou.

Esaki ta nifica cu cada ramo tin su propio entrada sigura pero tambe su limitacion den informacion cu ta na su disposicion a base di entrada sigura. Entre otro pa cada ramo e identificacion pa por yega na e informacion necesario ta diferente.

Tur cu ta participa na e medio central di informacion mester carga nan responsabilidad pa bon uzo loke ta haci cu nan tambe mester participa den e siguridad.

E gastonan pa siguridad y proteccion di informacion medico ta halto, pero e ta evita cu un solo persona por causa un calamidad dor di conecta cu infiltracion maligno riba e sistema.

Segun informantenan awor mester bira conoci con e sistema di siguridad tabata regla y e contractonan cu a wordo alcansa pa sigura cu proteccion di e sistema lo a continua pa asina evita e calamidad actual.

Tur empresa y usuario di internet ta core riesgonan. Ta e gastonan cu ta wordo haci pa proteccion di e sistema di comunicacion cu computer ta cera porta pa peliger cu tur pais y tur hospital sigur mester conoce y evita.

 

- Advertisement -

DUNA COMENTARIO

Please enter your comment!
Please enter your name here