Home General Serlimar a sinta cu MetaCorp y a combersa riba con por remedia...

Serlimar a sinta cu MetaCorp y a combersa riba con por remedia e problematica na Sero Tijshi

175
0
SHARE
- Advertisement -

Henley Davelaar:

ORANJESTAD (AAN):  Tin algun desaroyo nobo tumando lugar na Serlimar y ariba esaki Director di e compania, Henley Davelaar a duna di conoce cu nan ta bezig cu e proyecto di Sero Tijshi como un solucion temporal den henter e saneamento di Parkietenbos.

Ta trahando den cooperacion estrecho cu e habitantenan di Simeon Antonio y Parkietenbos y a bin ta haciendo e tramitenan necesario pa contene e problematica cu tabata tin ultimamente di holo den e becindario.

Manera a bisa caba, a sinta cu un compania cu ta estableci na Spaña y un filial na Colombia. A sinta cu nan ingenieronan y ta contestando algun pregunta adicional cu tabata tin. Riba esey nan lo traha e raport inicial relaciona cu e problematica menciona.

Ya caba a cuminza haci e stapnan necesario pa hisa e cantidad di calichi sefta cu ta tapa e area cune. Relaciona cu esaki Davelaar a bisa cu e tabata tin un reunion na Pos Chiquito cu e presidente di MetaCorp.

A hiba un reunion habri y a toca e tema aki di Sero Tijshi. Tin meta comun y na final di dia kier pa e manera cu cosnan ta wordo haci eynan y tur e otro establecimentonan sosode na un manera cu Aruba por goza di un ambiente limpi, sostenibel.

Segun Davelaar, a papia di e trabaonan cu ta wordo haci eynan. Prome cu e reunion, el a tuma e permisonan necesario di Minister Oduber pa por a sinta cu nan. Segun Landsverordening, Minister Oduber ta esun encarga cu desperdicio na Aruba. Cosnan cu ta regarda detayenan asina aki ta cosnan cu mester haya e permiso necesario.

Asina a sinta cu MetaCorp y a combersa un rato con por haci a remedia e problematica na Sero Tijshi.

Henley Davelaar a splica cu na inicio di 2018, Minister mes a invita MetaCorp pa sinta hunto pa cuminza cu e parti di Sero Tijshi na modo cu por tin un solucion temporal pa e problematica na Parkietenbos.

Parkietenbos mester cera y ya caba ta hopi despues cu a haya e conseho ey, pero ta trahando duro. Pero pa por yega eynan tin aspectonan importante cu ta hunga un rol manera e ley di Serlimar cu a wordo trata den Parlamento.

E ley aki lo alivia e presupuesto di entrada di tal manera cu gobierno ta haya e espacio pa por dedica e recursonan ey na un sanitairie landfill. Ora cu haci e ceramento ey mester tin un solucion responsabel, a bisa.

Net pesey aworaki ta den e fasenan final di e ‘incinerator small scale’. Esaki ta practicamente cla y den mas o menos dos siman e lo ta operacional pendiente di e trabaonan cu lo mester sigui haci na Sero Tijshi y Parkietenbos pa bay na e remediacion, e sanitaire landfill y e incinerator grandi, e director di Serlimar a splica.

Finalmente, esaki ta e puntonan cu a combersa cu MetaCorp y awor mester bin cu un standpunt y puntonan di accion cu mester trece bek na mesa.

- Advertisement -

DUNA COMENTARIO

Please enter your comment!
Please enter your name here