Home Comercio SETAR hunto cu Nokia Networks oficialmente a lanza 5G pa Aruba

SETAR hunto cu Nokia Networks oficialmente a lanza 5G pa Aruba

257
0
SHARE
- Advertisement -

ORANJESTAD(AAN): Diaranzon atardi SETAR hunto cu su partner di varios aña Nokia a upgrade e red di SETAR y a transforma esaki den un asina red ‘full end-to-end 5G’.

Durante un conferencia di prensa na SETAR Sero Blanco director di SETAR Roland Croes a splica cu 5G conoci como e di 5 generacion di celular ta e ultimo desaroyo den tecnologia di sistema wireless di celular, diseña pa aumenta velocidad  y sensibilidad di rednan wireless.

E red aki tin hopi mas capacidad, cobertura y ta haci posibel ‘speednan’hopi mas lihe, segun Croes, kende a splica tambe cu e banda cu lo wordo uza pa e red di 5G ta esun di 3.5 GHz.

Ademas di data mas rapido riba bo aparatonan, e tecnologia di 5G ta habri porta tambe pa hopi aplicacion pa uso industrial como tambe pa uso pa e consumidor.

Algun di e metanan clave di 5G ta pa hisa speed di data significantemente.

E director di SETAR a sigui bisa cu usando 5G e ta anticipa cu e velocidad por subi te cu 10 Gbps.

Tambe 5G tin un latency ultra-abou. Esaki ta e reaccion di e red despues di haya un instruccion pa manda data, por ehempel di un device. Esaki den 5G ta diseña pa yega rond di un milliseconde den futuro. E parti aki ta importante specialmente pa por ehempel autonan cu ta core sin chauffeur, esta self-driving cars, y tambe desaroyonan industrial.

Segun Croes, 5G tambe ta haci’e posibel pa tin un mundo mas conecta via e “Internet of Things”.

Durante e conferencia di prensa, Nokia a haci varios demostracion di 5G, entre otro, test di e speed y tambe a haci demostracionnan di virtual reality y di e latency di un wega di table tennis.

“Setar (Aruba) ta den e top di speed di celular comparable cu mayoria operadornan y paisnan rond mundo”.

“Cu e paso aki SETAR como compania di telecomunicacion pionero den region di Caribe ta sigui innova y ta sigui conecta Aruba riba lo ultimo den tecnologia rond mundo”, segun Croes.

- Advertisement -

DUNA COMENTARIO

Please enter your comment!
Please enter your name here