Home General Sindicato STA a firma CAO nobo pa 5 aña cu New India...

Sindicato STA a firma CAO nobo pa 5 aña cu New India Assurance

96
0
SHARE
- Advertisement -

ORANJESTAD (AAN): Sindicato STA y tambe New India Assurance e siman aki a firma un CAO nobo.  Na opinion di Diego de Cuba di STA, e CAO aki ta contene tur e ingredientenan cu un bon CAO mester tin.

Algo peculiar ta cu esaki ta e prome CAO cu Sindicato STA a firma y cu tin validez di cinco aña.

Segun e lider Sindical, e trahadornan di New India Assurance awor cu e CAO nobo aki ta duna nan e chens cu si e prestacion di empleadonan ta bon, nan lo conoce aumento.  Nan lo haya nan vakantie uitkering y lo tin nan Bonus di Fin di Aña.  Nan tin tambe un Bashi-Premie na comienzo di aña.

Algo cu a bin nobo ta e Placa pa Yiu (“kindertoelage”), y tambe ta haya cierto dia liber cu pago, e.o. ora bo casa of entiero.

“E ta un CAO hopi bon hinca den otro,” ta loke Diego de Cuba a indica.  Tambe el a mustra cu tur fin di aña, e empleadonan lo haya un voucher di 500 Florin pa haci compras y crea nan mesun macuto di Pasco.

E negociacion a bay rapido y Sindicato STA ta mustra cu ora un compania tin bon boluntad, hunto cu e Sindicato y delegadonan, bo ta yega na concretiza un bon CAO pa trahadornan.

New India ta un compania stabil, y no obstante tin tiki turbulencia, nan por sobrevivi.  Awor ta keda na e 29 trahadornan pa cumpli tambe cu nan deber como debe ser.

E Contrato Colectivo ta uno cu e empleadonan tambe tin di contribui y duna di nan banda.

STA ta contento cu riba Diaranson nan a firma e CAO nobo, y pesey el a felicita gerencia y shopstewards cu e contract nobo aki cu lo dura 5 aña.

 

- Advertisement -

DUNA COMENTARIO

Please enter your comment!
Please enter your name here