Home Enseñanza Studiantenan di ultimo aña pa bira chef cu tremendo presentacion di buffet

Studiantenan di ultimo aña pa bira chef cu tremendo presentacion di buffet

35
0
SHARE
- Advertisement -

ORANJESTAD (AAN) – Diabierna cu a pasa a tuma lugar den e Unidad di Horeca, di Colegio EPI, un presentacion realiza pa e studiantenan di ultimo aña pa bira chef.

E docente chef Alvin Leest, den entrevista cu DIARIO splica kico esaki ta encera. E examen tabata basa riba preparacion di tanto tur loke ta cuminda frio, manera snacks, salada, sopi, como diferente cuminda cayente special pa buffet.

E studiantenan aki ta caba nan estudio na Juli 2020 y e examen final ta consisti di “a la carta” unda e persona ta pidi su cuminda unda e futuro chef ta prepara loke e cliente ta pidi.

Colegio EPI ta den “Top Line” cu e studiantenan aki, aunke nan por tin ups & downs manera tur scol, Chef Leest a comenta. E studiantenan a haya tres dia pa prepara e buffet y Diabierna nan a haya cifra.

Chef Lees a gradici e studiantenan, e directornan di e scol, cu semper ta duna nan sosten, ya cu locual nan a prepara ta costa un inversion grandi, pa cumpra tur e productonan necesario. El a gradici gobierno tambe y e ta spera cu nan ta duna e futuro chefnan aki nan balor.

Chef Leest a manda un mensahe pa e restaurantnan local pa nan duna e studiantenan gradua na Aruba trabao. E ta puntra di con nan tin cu bay traha na Merca, Belgica, Japon, siendo cu nan ta caba na Colegio EPI, como Arubiano. EPI ta un bon scol unda haya ta haya un diploma MBO.

- Advertisement -

DUNA COMENTARIO

Please enter your comment!
Please enter your name here