Home Salud SVb kier haci hopi mas den e aspecto di prevencion y promocion...

SVb kier haci hopi mas den e aspecto di prevencion y promocion di salud

76
0
SHARE
- Advertisement -

Dr. Myron Genser:

ORANJESTAD (AAN):  Dr. Myron Genser, specialista den Salud Ocupacional trahando den SVb a duna di conoce cu tin trahadornan cu ta meldziek hopi biaha y mester tene cuenta cu pore check si tin un problema na cas of na trabao mes cu ta ocasionando cu e ta bira malo frecuentemente.

Si ta na trabao, a bisa, tin stapnan pa sigui. Por haci un estudio (werkplekonderzoek) pa wak kico ta pasando y pa wak ki cambio por trece na pia di trabao. Esey tabata wordo haci y ta bay wordo haci, Dr. Genser a remarca.

Ta buscando mas colega pa yuda cu esaki. Ta buscando informacion na pia di trabao pa wak kico ta pasando y pa wak ki cambio por trece e ora na trabao pa evita cu e trahador ta bira malo door di esaki.

 

PREVENCION

 

E parti di prevencion ta un tema cu ta combersando hopi na pia di trabao, e medico a indica. E aña cu ta bin esey ta un di e temanan importante pa bay atende.

SVb kier haci hopi mas den e aspecto di prevencion y promocion di salud. “Nos ta wak cu akinan na Aruba como pueblo, nos no ta cuida nos mes manera mester ta. Tin hopi mas cu nos por haci y caminda pa mehora”, a splica.

Den e periodo benidero esaki ta algo cu sigur SVb kier bay traha ariba dje y pa e pueblo en general cuida su mes mas. “Nos ta busca salud hopi biaha ora ta mucho laat”.

Na Aruba tin un problema grandi cu sobrepeso cu mester cuminza traha ariba dje. Mester corda cu esaki ta hiba na otro problemanan di salud cardiovascular, diabetes, presion halto, etc.

Segun Dr. Genser, ta ora pa tuma responsabilidad pa mehora esaki.

 

RELACION CU OTRO DOCTERNAN

 

E comunicacion entre e docternan di SVb y e docternan di cas como tambe specialistanan ta hopi importante, a agrega.

Por bisa cu e relacion poco poco ta bayendo mihor y mas facil. E mandamento di carta ta bira mas comun y teniendo semper e privacidad di e pashent. Locual ta hopi importante.

E idea ta pa e bon relacion sigui crece. Tecnologia ta yudando hopi cu esaki y e meta ta pa e bira mihor, e medico a indica.

- Advertisement -

DUNA COMENTARIO

Please enter your comment!
Please enter your name here