Home General Ta bezig cu digitalizacion di pintura y composicionnan di Padu

Ta bezig cu digitalizacion di pintura y composicionnan di Padu

43
0
SHARE
- Advertisement -

Alice Van Romondt, Fundacion Padu

ORANJESTAD (AAN):  Representante di Fundacion Padu, Alice Van Romondt a informa diahuebs den un conferencia di prensa yama door di Gobierno di Aruba cu e fundacion tabata bezig ta preparando pa Padu su 100 aña.

Tin diferente proyecto ta core paralelo pasobra Padu tabata un homber multifacetico. Ta bezig ta colectando pintura pa un exposicion grandi cu tur su trabaonan, cu lo finalisa den un buki tocante su bida como pintor.

Ta trahando hunto cu Direccion di Enseñanza pa traha un lesbrief en extenso ariba ken ta Padu pa e muchanan cu no conoce por haya sa di dje.

Pa tres aña caba ta bezig cu digitalizacion di su escrituranan, potret di su file personal cu ta masha hopi mes. Ademas di esey, den e proceso di colecta material na su cas pa bay digitaliza, a topa rond di 250 cassette cu composicionnan di dje cu nunca a wordo publica, van Romondt a splica.

Esey ta un proyecto cu kier sigui y wak con leu ta yega pa April, pa su fecha natal hunto cu e musiconan profesional transcribi e composicion ey, letra y musico cu otro musico por toca e cantica ey, a indica.

Alice van Romondt a expresa cu no a espera cu Padu lo por a bay 5 luna prome cu e cumpli 100 aña. “Pero Padu ta djis cambia su bida na tera pa bida den cielo. Pasobra himno lo keda resona keto bay”.

 

- Advertisement -

DUNA COMENTARIO

Please enter your comment!
Please enter your name here