Home Policial Tabatin 1 solo muher mey-mey di tur 35 stranhero ilegal sinta den...

Tabatin 1 solo muher mey-mey di tur 35 stranhero ilegal sinta den e boto chikito aki

747
0
SHARE
- Advertisement -

ORANJESTAD (AAN): Manera DIARIO a trece dilanti den su edicion di Dialuna caba, e vigilancia ultimo dos simannan riba lama rond di Aruba, Bonaire, y Curacao a intensifica.  Esey ta asina pasobra autoridad a nota un aumento drastico den cantidad di stranhero ilegal cu ta purba yega e islanan aki via lama.

Nan ta haciendo uso di High Resolution Marine-Radar, tambe FLIR-Camera sofistica abordo di avionnan di Guardacosta di Caribe Hulandes pa asina scan e lama rond di e islanan aki.

DIARIO a menciona caba con riba Diaranzon 20 di November cu a pasa, e helicopter NH-90 di e barco Zr.Ms. Groningen a detecta un boto sospechoso rumbo pa Curacao.  Guardacosta a bay riba nan cu e speedboat tipo Metal Shark, y asina descubri un boto cu 44 Venezolano ilegal riba dje.

Tambe Diadomingo 27 di November, e avion Dash-8 a detecta un otro boto yegando Curacao, y atrobe cu e speedboat Metal Shark a bay intercepta nan y gara 42 stranhero ilegal, di cual 29 homber y 13 muher.

Diadomingo 1 di December den oranan di madruga, e High Resolution Marine-Radar a detecta un boto nabegando direccion Aruba.  Mesora a manda un speedboat Metal Shark riba nan, y a bin gara esaki.

Den un boletin nobo Guardacosta di Caribe Hulandes a splica cu e boto ta di e tipo yola, y cu enberdad tin 35 stranhero ilegal riba dje, di cual 1 ta muher.  Nan tur ta procedente di Venezuela.

E boto a ser treci na waf di Playa, unda tur a wordo pasa pa Warda Nos Costa pa interogacion y procesamento.   E boto tambe a wordo confisca door di autoridad local.

- Advertisement -

DUNA COMENTARIO

Please enter your comment!
Please enter your name here